CBSE बोर्डाच्या दहावीच्या परीक्षा रद्द, बारावीच्या परीक्षा पुढे ढकलल्या; पंतप्रधानांसमवेत बैठकीनंतर निर्णय CBSE Board Exams for Class 10th cancelled & 12th postponed.

CBSE बोर्डाच्या दहावीच्या परीक्षा रद्द, बारावीच्या परीक्षा पुढे ढकलल्या; पंतप्रधानांसमवेत बैठकीनंतर निर्णय

वृत्तसंस्था

नवी दिल्ली – केंद्र सरकारने सीबीएससी बोर्डाच्या दहावीच्या परीक्षा रद्द केल्या आहेत. तर बारावीच्या परीक्षा पुढे ढकलल्या आहेत. वाढत्या कोरोनाच्या फैलावामुळे हा महत्त्वाचा निर्णय घेण्यात आला आहे. CBSE Board Exams for Class 10th cancelled & 12th postponed.

पंतप्रधान नरेंद्र मोदी यांच्या समवेत झालेल्या बैठकीनंतर शिक्षण मंत्रालयाने हा निर्णय जाहीर केला. दहावीच्या परीक्षांचा निकाल हा सीबीएससी बोर्डाने तयार केलेल्या ऑब्जेटिव्ह निकषांनुसार लावण्यात येईल आणि योग्य वेळी तो जाहीर करण्यात येईल.

बारावीची परीक्षा पुढे ढकलली असून तिची पुढील तारखा कोविड परिस्थितीचा आढावा घेऊन नंतर जाहीर करण्यात येईल, असेही शिक्षण मंत्रालयाने स्पष्ट केले आहे.

Board Exams for Class 10th cancelled & 12th postponed. Results of Class 10th will be prepared on the basis of an objective criterion to be developed by the Board. Class 12th exams will be held later, the situation will be reviewed on 1st June by the Board: Ministry of Education pic.twitter.com/ljVuUkEChB

— ANI (@ANI) April 14, 2021

या आधी काँग्रेसचे नेते राहुल गांधी आणि प्रियांका गांधी यांनी सीबीएससी बोर्डाच्या परीक्षा रद्द करण्याचे आवाहन पंतप्रधान नरेंद्र मोदी यांना केले होते. अखेर हा निर्णय सरकारने जाहीर केला आहे.