जबरदस्त इच्छाशक्तीच्या जोरावर अफाट कामगिरी, अंध गिर्यारोहक झांग यांनी सर केले एव्हरेस्ट।Blind Mousterian climbs evrest

जबरदस्त इच्छाशक्तीच्या जोरावर अफाट कामगिरी, अंध गिर्यारोहक झांग यांनी सर केले एव्हरेस्ट

विशेष प्रतिनिधी

काठमांडू : एव्हरेस्टवर मोहीम सुरू केली, तेव्हा मी भयभीत झालो होतो. कारण मी कोठे आणि कसा जात आहे, हे काहीच समजत नव्हते. सतत मी अडखळत होतो. अनेक ठिकाणी पडलो देखील. आपल्याला दृष्टी आहे की नाही, आपले हात-पाय आहेत की नाही यावरुन काहीच अडत नाही. जर आपली इच्छाशक्ती जबरदस्त असेल तर आपण हवे ते साध्य करू शकतो. जे की दुसरे साध्य करू शकत नाहीत. हे उद्गार आहेत चीनचे ४६ वर्षीय गिर्यारोहक झांग होंग यांचे. Blind Mousterian climbs evrest

आपल्या अफाट इच्छाशक्तीच्या जोरावरच होंग यांनी माउंट एव्हरेस्ट सर केले असून ते अंध आहेत. एव्हरेस्टरवर चढाई करणारे ते जगातील तिसरे तर आशियातील पहिले अंध गिर्यारोहक ठरले आहेत.

Corona Climbs Everest : जगातील सर्वोच्च शिखरावरही पोहोचला कोरोना, माउंट एव्हेरस्टवर पहिला रुग्ण

गेल्या २५ वर्षापासून त्यांना जग पाहता येत नव्हते. तरीही त्यांनी ८८४९ मीटर उंचीचे शिखर गाठले, हे विशेष. होंग यांनी दृष्टिहीन अमेरिकी गिर्यारोहक एरिक वेहेनमेयर यांच्यापासून प्रेरणा घेत माउंट एव्हरेस्ट वर चढाई करण्याचा निर्णय घेतला. वेहेनमेयर यांनी २००१ मध्ये माउंट एव्हरेस्टवर चढाई केली होती.