बिपिन रावत यांच्या हेलिकॉप्टर दुर्घटनेत घातपात किंवा तांत्रिक चूक नव्हती; तपासातला प्राथमिक निष्कर्ष Bipin Rawat's helicopter crashes

बिपिन रावत यांच्या हेलिकॉप्टर दुर्घटनेत घातपात किंवा तांत्रिक चूक नव्हती; तपासातला प्राथमिक निष्कर्ष

वृत्तसंस्था

नवी दिल्ली : भारतीय संरक्षण दलाचे पहिले प्रमुख सीडीएस बिपिन रावत यांचे हेलिकॉप्टर दुर्घटनेत तामिळनाडूत निधन झाले. या अपघाताची दुर्घटनेची चौकशी आणि तपास सध्या संरक्षण दलांचे संयुक्त पथक करत आहे. या पथकाने हेलिकॉप्टरचा व्हॉइस डेटा रेकॉर्डर तसेच अन्य तांत्रिक बाबी तपासल्या तेव्हा त्यामध्ये कोणताही घातपात अथवा तांत्रिक चूक नव्हती, असे प्राथमिक तपासात आढळून आले आहे.Bipin Rawat’s helicopter crashes

Tri-Services Court of Inquiry into the Mi-17 V5 accident on 08 Dec 21 (which killed CDS Rawat & others) in its preliminary findings analysed Flight Data Recorder and Cockpit Voice Recorder; has ruled out mechanical failure, sabotage or negligence as a cause of the accident: IAF

— ANI (@ANI) January 14, 2022

संबंधित दुर्घटना ही धुक्यामुळे झाली असावी यामागे घातपात नव्हता तर तो अपघातच होता, अशा स्वरूपाचा प्राथमिक निष्कर्ष संरक्षण दलांच्या संयुक्त पथकाने काढला आहे. अर्थात हा प्राथमिक निष्कर्ष असून यासंदर्भात आणखी चौकशी करण्यात येईल, असेही स्पष्ट करण्यात आले आहे.

सीडीएस जनरल बिपिन रावत यांच्या बरोबरचे ग्रुप कॅप्टन वरूण सिंग यांचे उपचारादरम्यान बंगलोरच्या कमांड हॉस्पिटलमध्ये निधन

जनरल बिपिन रावत यांच्या समवेत त्यांच्या पत्नी मधुलिका तसेच भारतीय लष्कराचे सोळा वरिष्ठ अधिकारी देखील या एमआय 17 या अत्याधुनिक हेलिकॉप्टरमध्ये होते. या सर्वांचे या दुर्घटनेत निधन झाले आहे. या दुर्घटनेविषयी घातपाताचा संशय व्यक्त करण्यात आला होता. त्याविषयीचा सखोल तपास सध्या संरक्षण दलाचे संयुक्त पथक करत आहे. प्राथमिक तपासानुसार यामध्ये कोणताही घातपात आढळला नसल्याचा निष्कर्ष पथकाने काढला आहे. त्याचबरोबर व्हाॅईस डेटा रेकॉर्डर तपासल्यानंतर त्यामध्ये तांत्रिक चूकही नव्हती किंवा हलगर्जीपणा नव्हता, असेही प्राथमिक निरीक्षण पथकाने नोंदविले आहे.