बेळगाव महापालिकेच्या मतमोजणीला सुरुवात; उमेदवारांसह अनेकांचे निकालाकडे मोठे लक्ष

By, Pravin Pawar - September 6, 2021 09:20:01

0

वृत्तसंस्था

बेळगाव : बेळगाव महापालिकेच्या निवडणुकीच्या मतमोजणीला सुरुवात झाली आहे. ३ सप्टेंबर रोजी मतदान झाले होते. सकाळी आठ वाजता या मतमोजणीला सुरुवात झाली असून पहिला निकाल काही वेळात जाहीर होणार आहे. दुपारपर्यंत सर्व निकाल हाती येण्याची शक्यता आहे. Belgaum Municipal Corporation Election Results will declered Soon

निवडणुकीत प्रथमच भाजप आणि काँग्रेस हे आपल्या चिन्हावर निवडणूक लढवत आहेत. त्यामुळे महाराष्ट्र एकीकरण समितीने त्यांना तगडं आव्हान दिले आहे. निवडणुकीची मतमोजणी बीके मॉडेल हायस्कूल येथे सुरु आहे. एकूण ५८ जागांसाठी मतदान पार पडले आहे. एकूण ३८५ उमेदवार निवडणुकीच्या रिंगणात आहेत.

Belgaum Municipal Corporation Election : बेळगाव महापालिका निवडणुकीसाठी मतदान सुरु, ३८५ उमेदवारांचे भवितव्य मतदान यंत्रात बंद होणार

महाराष्ट्र एकीकरण समितीमार्फत अधिकृत २१ तर भाजप ५५ , काँग्रेस ४५ जेडीएस ११, आम आदमी ३७ , एआयएमआयएम ७, अन्य दोन आणि अपक्ष, अशा २१७ उमेदवारांचे भवितव्य आज ठरेल. मतमोजणीसाठी केंद्रात ५०० पोलीस तैनात करण्यात आलेत. तर मतमोजणी केंद्राच्या आवारात कलम १४४ जारी केले आहे. शहरात १५०० पोलिसांची तैनाती केली आहे. मतमोजणी केंद्राच्या दिशेनं जाणारे सर्व रस्त्यांवर बॅरिकेड्स लावले आहेत. दुपारनंतर निवडणुकीचा निकाल जाहीर होणार आहे.