राजस्थानात पब्जी खेळाचा आणखी एक बळी; वाढदिवसाला मोबाईल दिला नसल्याने तरुणीची आत्महत्या । Another victim of Pubji game in Rajasthan; Suicide of a young woman for not giving her a mobile phone for her birthday

राजस्थानात पब्जी खेळाचा आणखी एक बळी; वाढदिवसाला मोबाईल दिला नसल्याने तरुणीची आत्महत्या

वृत्तसंस्था

जयपूर : राजस्थानात पब्जी खेळाचा आणखी एक बळी गेला. जयपूरमध्ये एका १८ वर्षीय तरुणीने आत्महत्या केली आहे. वाढदिवसानिमित्त तिला PUBG खेळण्यासाठी नवा मोबाईल दिला नाही म्हणून तिने गळफास लावून घेतला. Another victim of Pubji game in Rajasthan; Suicide of a young woman for not giving her a mobile phone for her birthday

जयपूरचे पोलिस अधीक्षक राज कुमार गुप्ता यांनी सांगितलं की, बारावीत शिकणाऱ्या १८ वर्षीय विद्यार्थिनीने १३ फेब्रुवारीला तिचा वाढदिवस साजरा केला. यावेळी तिने PUBG खेळण्यासाठी तिच्या पालकांकडे मोबाईल फोन मागितला. मात्र, पालकांनी फोन बारावीची परीक्षा संपल्यानंतर घेऊ असे सांगितले.

पब्जी गेम खेळण्याच्या नादात बारावीतील मुलीने केली आत्महत्या, जळगाव जिल्ह्यातील प्रकार

गुप्ता म्हणाले की, या गोष्टीमुळे मुलीने आत्महत्या करण्याचा निर्णय घेतला. याप्रकरणी पुढील तपास सुरू आहे. काही दिवसांपूर्वी जयपूरमधील रामनगर मेट्रो स्टेशनच्या रेलिंगवरून ३० वर्षीय तरुणीने उडी मारून आत्महत्या केली होती. मध्य प्रदेशातील रहिवासी असलेल्या भारती नावाच्या मुलीने शुक्रवारी रात्री मेट्रो स्टेशनच्या रेलिंगवरून खाली उडी मारली. गंभीर अवस्थेत तिला एसएमएस हॉस्पिटलमध्ये नेण्यात आले. तेथे तिचा मृत्यू झाला.