आंध्र प्रदेश सरकार 24,632 मंदिरांची 4 लाख एकर जागा ताब्यात घेणार, सुरक्षेसाठी केल्या जात आहेत उपाययोजना|Andhra Pradesh government to take over 4 lakh acres of 24,632 temples, measures are being taken for security

आंध्र प्रदेश सरकार 24,632 मंदिरांची 4 लाख एकर जागा ताब्यात घेणार, सुरक्षेसाठी केल्या जात आहेत उपाययोजना

वृत्तसंस्था

विशाखापट्टणम : आंध्र प्रदेश सरकारने 24,632 हिंदू मंदिरांच्या मालकीची 4 लाख एकर जमीन संपादनासाठी चिन्हांकित केली आहे. एक लाख कोटींहून अधिक किमतीच्या जमिनीच्या ताब्याबाबत हा वाद अनेक दिवसांपासून सुरू आहे. आंध्र सरकारचे धर्मादाय मंत्री कोट्टू सत्यनारायण यांचा दावा आहे की सरकारला मंदिरे आणि त्यांच्या संपत्तीचे संरक्षण करायचे आहे. यासाठी सुरक्षेच्या दृष्टीने कडक उपाययोजना करण्यात येत आहेत.Andhra Pradesh government to take over 4 lakh acres of 24,632 temples, measures are being taken for security

तूर्तास, मंदिरे आणि ओळखल्या गेलेल्या जमिनींसंबंधीचे वाद मिटवले जातील. या संदर्भात नुकतीच विजयवाडा येथील श्रीदुर्गा मल्लेश्वर स्वामीवराला देवस्थानम यांच्याशी वादग्रस्त मंदिराच्या जमिनीची पडताळणी, प्राथमिक तपशील आणि नोंदणीबाबत चर्चा झाली आहे. लवकरच हा वाद मिटणार आहे. सत्यनारायण म्हणाले की, मंदिरांच्या जमिनींच्या नोंदी सुरक्षित करण्यासाठी एक सॉफ्टवेअर आधीच तयार करण्यात आले आहे.

आंध्र प्रदेशचे मुख्यमंत्री जगनमोहन रेड्डी यांच्या काकांना सीबीआयकडून अटक, माजी खासदाराच्या हत्येचा आहे आरोप

26 जिल्ह्यांमध्ये आढावा बैठक

राज्यभरातील मंदिराच्या जमिनी सुरक्षित करण्यासाठी राज्यातील सर्व 26 जिल्ह्यांच्या धर्मादाय आयुक्तांसोबत आढावा बैठक घेण्यात आली, ज्यामध्ये त्यांना मंदिराच्या जमिनीचे संरक्षण करण्याच्या सूचना देण्यात आल्या आहेत.