११३ दिवसांनंतर भारतात २४ तासांत आढळले करोनाचे ५०० पेक्षा अधिक नवीन रुग्ण; केंद्राने राज्यांना दिला इशारा After 113 days more than 500 new patients of Corona were found in 24 hours in India Center warned the states

११३ दिवसांनंतर भारतात २४ तासांत आढळले करोनाचे ५०० पेक्षा अधिक नवीन रुग्ण; केंद्राने राज्यांना दिला इशारा

केंद्रीय आरोग्य मंत्रालयाच्या म्हणण्यानुसार, केरळमध्ये करोना संसर्गामुळे एका रुग्णाचा मृत्यू झाल्यानंतर मृतांची संख्या ५,३०,७८१ वर पोहोचली आहे.

प्रतिनिधी

नवी दिल्ली : भारतात ११३ दिवसांनंतर, २४ तासांत करोना संसर्गाचे ५२४ नवीन रुग्ण आढळले आहेत. यानंतर केंद्राने सर्व राज्यांना सतर्क केले आहे. नवीन प्रकरणांनंतर, देशात उपचार घेत असलेल्या रुग्णांची संख्या ३,६१८ वर पोहोचली आहे. त्याचवेळी केरळमध्ये एका व्यक्तीचा करोना संसर्गाने मृत्यू झाला आहे. After 113 days more than 500 new patients of Corona were found in 24 hours in India Center warned the states

केंद्रीय आरोग्य मंत्रालयाच्या म्हणण्यानुसार, रविवारी सकाळी ८ वाजेपर्यंत केरळमध्ये संसर्गामुळे एका रुग्णाचा मृत्यू झाल्यानंतर एकूण मृतांची संख्या ५,३०,७८१ वर पोहोचली आहे. आरोग्य मंत्रालयाच्या आकडेवारीनुसार, संसर्गाच्या एकूण रुग्णांची संख्या ४.४६ कोटी (४,४६,९०,४९२) झाली आहे.

कोविड-19 मधून बरे होण्याचा राष्ट्रीय दर ९८.८० टक्के नोंदवला गेला. या आजारातून बरे होणाऱ्यांची संख्या ४,४१,५६,०९३ वर पोहोचली आहे, तर मृत्यूचे प्रमाण १.१९ टक्के नोंदवले गेले आहे. मंत्रालयाच्या वेबसाइटनुसार, देशव्यापी कोविड-19 विरोधी लसीकरण मोहिमेअंतर्गत आतापर्यंत २२०.६४ कोटी डोस देण्यात आले आहेत.

H3N2 Influenza : मास्क लावा पुन्हा; नीती आयोगाच्या बैठकीत महत्वाचा निर्णय

दुसरीकडे, इन्फ्लूएंझा सबटाइप H3N2 च्या प्रकरणांच्या दरम्यान कोविड प्रकरणांमध्ये वाढ झाल्याबद्दल केंद्राने चिंता व्यक्त केली आहे. याकडे तातडीने लक्ष देण्याची गरज असल्याचे केंद्राने राज्यांना सांगितले. केंद्राने सर्व राज्ये आणि केंद्रशासित प्रदेशांना इन्फ्लूएंझा-सदृश आजार (ILI) किंवा गंभीर तीव्र श्वसन संक्रमण (SARI) च्या बाबतीत मार्गदर्शक तत्त्वांचे पालन करण्याची विनंती केली आहे.

कोरोनाची २ वर्षे अनुभवल्यावर जरा कुठे काही महिने भारतीयांनी मोकळा श्वास अनुभवाला होता, आता पुन्हा भारतीयांच्या तोंडावर मास्क चढणार आहे. कारण भारतात H3N2 इन्फ्लुएंझा या विषाणू संसर्गाने चिंता वाढवली आहे. देशात या इन्फ्लुएंझामुळे दोन जण दगावले आहेत. त्यानंतर आता देशभरात या संसर्गाचा प्रादुर्भाव होऊ नये म्हणून काळजी घेतली जाते आहे. याचाच एक भाग म्हणून केंद्र सरकारने एक बैठकही बोलावली होती. या बैठकीनंतर नीती आयोगाने सगळ्यांना सार्वजनिक ठिकाणी मास्क वापरण्याचे आवाहन केले आहे.