"सिद्धरामय्या अयोध्येला का जातील, ते स्वतः राम आहेत", कर्नाटक काँग्रेसचे नेत्यांचं विधान!|Why will Siddaramaiah go to Ayodhya he himself is Ram statement of Karnataka Congress leaders

“सिद्धरामय्या अयोध्येला का जातील, ते स्वतः राम आहेत”, कर्नाटक काँग्रेसचे नेत्यांचं विधान!

अयोध्येत भाजपचा राम आहे, त्यामुळे…असंही काँग्रेस नेत्याने म्हटलं आहे.

विशेष प्रतिनिधी

बंगळुरू : अयोध्येतील राम मंदिरातील प्राणप्रतिष्ठा होण्याची तारीख जाहीर झाली आहे. २२ जानेवारी रोजी पंतप्रधान मोदींच्या हस्ते प्राणप्रतिष्ठापना होणार आहे. मंदिर उभारणीचे काम पूर्ण करण्यासाठी रात्रंदिवस काम सुरू आहे. तर प्राणप्रतिष्ठा कार्यक्रमात सहभागी होण्यासाठी पंतप्रधान मोदीसह सामाजिक, राजकीय, चित्रपट आणि उद्योग क्षेत्रातील मान्यवरांसह देशभरातील सर्व मान्यवर अयोध्येत येणार आहेत.Why will Siddaramaiah go to Ayodhya he himself is Ram statement of Karnataka Congress leaders

‘आगामी काही दिवसांत JDS भाजपमध्ये विलीन झाल्यास आश्चर्य नाही – सिद्धरामय्या

मात्र, कर्नाटकचे मुख्यमंत्री सिद्धरामय्या यांना या कार्यक्रमाचे निमंत्रण न मिळाल्याने राज्यातील काँग्रेस नेते नाराज आहेत. तर पक्षाचे नेते एच अंजनेय यांनी सिद्धरामय्या यांनाच थेट राम म्हटले आहे.

कर्नाटकचे मुख्यमंत्री सिद्धरामय्या यांना अयोध्येच्या राम मंदिरात होणाऱ्या प्राणप्रतिष्ठा कार्यक्रमाचे निमंत्रण न मिळाल्यावर काँग्रेस नेते एच अंजनेय म्हणाले – “हे चांगले आहे, सिद्धरामय्या स्वतः राम आहेत, त्यांनी अयोध्येत जाऊन पूजा का करावी? ते आपल्याच गावात जिथे राम मंदिर आहे तिथे ते पूजा करतील, त्यांनी अयोध्येला का जावे.”

काँग्रेस नेते एच अंजनेय इथेच थांबले नाहीत आणि त्यांनी अयोध्येतील रामाचे वर्णन भाजपचे राम असे केले. ते म्हणाले- तिथे भाजपचा राम आहे, ते भाजपवाल्यांना निमंत्रित करून भजन करत आहेत, म्हणून त्यांना ते करू द्या. आमचा राम सर्वत्र आहे, तो आमच्या हृदयात आहे. मी अंजनेय आहे, आम्ही सर्व रामभक्त आहोत, आमच्या समाजात आम्ही राम, अंजनेय, मारुती आणि हनुमंत अशी नावे ठेवतो, ते सर्वच आपल्या समाजातील आहेत.