Rohan Jaitley : कोण आहेत रोहन जेटली? BCCIचे सचिव जय शहा यांची जागा घेण्याची शक्यता

By, Pravin Pawar - August 28, 2024 09:30:50

0

विशेष प्रतिनिधी

मुंबई : बीसीसीआय (भारतीय क्रिकेट नियामक मंडळ) सचिव जय शहा ( Jai Shah ) यांच्या जबाबदारीत आता आणखी वाढ झाली आहे. त्यांची आयसीसी (आंतरराष्ट्रीय क्रिकेट परिषद) चे पुढील अध्यक्ष म्हणून बिनविरोध निवड झाली आहे. वयाच्या 35 व्या वर्षी जय शहा यांनी हे पद भूषवून एक विक्रम केला आहे, ते ICC चेअरमन बनणारे सर्वात तरुण व्यक्ती आहेत.

आता जय शाह आयसीसीमध्ये काम करताना दिसणार असल्याने त्यांच्या जागी बीसीसीआयचे सचिव कोण बनणार हा प्रश्न आहे. या शर्यतीत रोहन जेटली ( Rohan Jaitley ) यांचे नाव आघाडीवर आहे.

जय शाह या वर्षी 1 डिसेंबर रोजी आयसीसीचे विद्यमान अध्यक्ष ग्रेग बार्कले यांची जागा घेतील. न्यूझीलंडच्या 62 वर्षीय बार्कले यांनी सलग तिसऱ्यांदा दावा न करण्याचा निर्णय घेतला होता. अशा परिस्थितीत आता गृहमंत्री अमित शहा यांचे सुपुत्र जय शहा यांना बीसीसीआयचे सचिवपद सोडावे लागेल, जे ते 2019 पासून सांभाळत होते.

Monkeypox : भारतात मंकीपॉक्स चाचणीसाठी RT-PCR किट विकसित; 40 मिनिटांत मिळणार रिझल्ट

Jay Shah has been elected unopposed as the next Independent Chair of the ICC.https://t.co/Len6DO9xlE

— ICC (@ICC) August 27, 2024

कोण आहेत रोहन जेटली?

जय शाह यांच्यानंतर दिल्ली आणि जिल्हा क्रिकेट असोसिएशनचे (डीडीसीए) अध्यक्ष रोहन जेटली बीसीसीआयचे पुढील सचिव होण्याची शक्यता आहे. जेटली क्रिकेट प्रशासनातही सक्रिय आहेत. 2023 मध्ये त्यांची दिल्ली आणि जिल्हा क्रिकेट असोसिएशन (DDCA) चे अध्यक्ष म्हणून पुन्हा बिनविरोध निवड झाली. 2020 मध्ये ते पहिल्यांदा DDCA चे अध्यक्ष झाले. रोहन जेटली हे भारतीय जनता पक्षाचे ज्येष्ठ नेते अरुण जेटली यांचे पुत्र आहेत. रोहन यांनी भारतातून कायद्याची पदवी घेतली आहे आणि कॉर्नेल विद्यापीठातून कायद्याचे मास्टर (LLM) केले आहे.

जेटली हे एक प्रॅक्टिसिंग वकील आहेत जे भारताच्या सर्वोच्च न्यायालय आणि दिल्ली उच्च न्यायालयात खटल्यांमध्ये सक्रिय असतात. मार्च 2024 मध्ये रोहन यांची दिल्ली उच्च न्यायालयात केंद्र सरकारचे स्थायी वकील म्हणून नियुक्ती करण्यात आली.

Mr. @rohanjaitley, President, DDCA, former 🇮🇳 cricketer, @virendersehwag & team owners unveiled the jerseys for #DelhiPremierLeagueT20 🤩

Each jersey embodies team spirit & passion. Watch these colours ignite the field from Aug 17🔥#DPLT20 #DelhiCricket #Cricket @delhi_cricket pic.twitter.com/nHg6JOpTNm

— Delhi Premier League T20 (@DelhiPLT20) August 2, 2024

रोहन जेटली यांचा दावा का मजबूत?

रोहन हे भाजपचे माजी दिग्गज नेते दिवंगत अरुण जेटली यांचे सुपुत्र आहेत. अरुण जेटली यांचा बीसीसीआयमध्ये चांगला प्रभाव होता, त्यामुळे रोहन यांचीही पकड मजबूत आहे.

रोहन जेटली दोन वेळा दिल्ली आणि जिल्हा क्रिकेट असोसिएशन (DDCA) चे अध्यक्ष बनले आहेत. यामुळे ते अनुभवी क्रीडा प्रशासक आहेत. त्यांच्या नेतृत्वाखाली 2023च्या एकदिवसीय विश्वचषकाचे 5 सामने दिल्लीच्या अरुण जेटली मैदानावर आयोजित करण्यात आले होते.

रोहन जेटली यांच्या नेतृत्वाखाली दिल्ली प्रीमियर लीग (DPL) आयोजित करण्यात आली होती. ज्यामध्ये दिल्लीकडून देशांतर्गत क्रिकेट खेळणाऱ्या अनेक स्टार क्रिकेटर्सचा समावेश आहे. यामध्ये ऋषभ पंत, इशांत शर्मा, यश धुल, आयुष बडोनी, ललित यादव यांचा समावेश आहे.