WATCH : द काँग्रेस फाइल्स शो, पहिल्या भागात 4.82 लाख कोटींच्या घोटाळ्यांचा उल्लेख, दुसऱ्या भागात पेंटिंगच्या नावावर खंडणीचा खेळ|WATCH: The Congress Files Show, First Part Mentions 4.82 Lakh Crore Scams, Second Part Plays Extortion in the Name of Painting

WATCH : द काँग्रेस फाइल्स शो, पहिल्या भागात 4.82 लाख कोटींच्या घोटाळ्यांचा उल्लेख, दुसऱ्या भागात पेंटिंगच्या नावावर खंडणीचा खेळ

प्रतिनिधी

नवी दिल्ली : काँग्रेस आणि भाजपमध्ये सध्या सोशल मीडियावर व्हिडिओ युद्ध सुरू झाले आहे. अदानी प्रकरण आणि राहुल यांच्या सदस्यत्वाबाबत भाजपच्या विरोधात प्रश्नांची सरबत्ती करून काँग्रेस डेमोक्रसी डिसक्वालिफाइड कॅम्पेन राबवत आहे.WATCH: The Congress Files Show, First Part Mentions 4.82 Lakh Crore Scams, Second Part Plays Extortion in the Name of Painting

दुसरीकडे, भाजपने सोशल मीडियावर घोटाळे आणि भ्रष्टाचाराबाबत काँग्रेस फाइल्स नावाची व्हिडिओ सिरीजही सुरू केली आहे. भाजपने आपल्या ट्विटर हँडलवर हा व्हिडिओ शेअर केला आणि लिहिले – काँग्रेस फाइल्सच्या पहिल्या एपिसोडमध्ये काँग्रेसच्या राजवटीत भ्रष्टाचार आणि घोटाळे एकापाठोपाठ कसे झाले ते पाहा…

काँग्रेसचे मुख्यमंत्री बघेल यांनी ‘द काश्मीर फाइल्स’ पाहिला अन् म्हणाले, फक्त हिंसा व अर्धसत्य दाखविले..!

व्हिडिओमध्ये नेमके काय?

तीन मिनिटांच्या या व्हिडिओची सुरुवात काँग्रेसचा अर्थ सांगून होते. ज्यामध्ये लिहिले आहे- काँग्रेस म्हणजे भ्रष्टाचार. या व्हिडिओमध्ये निवेदकांनी काँग्रेसच्या 70 वर्षांच्या कारकिर्दीतील घोटाळ्यांचा उल्लेख केला आहे. त्यात कोळसा घोटाळा, टूजी स्पेक्ट्रम, कॉमनवेल्थ घोटाळा यांचा उल्लेख आहे. शेवटच्या क्षणी निवेदक म्हणतो – ही फक्त काँग्रेसच्या घोटाळ्यांची एक झलक आहे, पिक्चर अभी बाकी है!

Congress Files के पहले एपिसोड में देखिए, कैसे कांग्रेस राज में एक के बाद एक भ्रष्टाचार और घोटाले हुए… pic.twitter.com/vAZ7BDZtFi

— BJP (@BJP4India) April 2, 2023

काँग्रेसने जेवढे घोटाळे केले, ज्या पैशांतून काय-काय करता आले असते?

याच व्हिडिओमध्ये काँग्रेसच्या 70 वर्षांच्या राजवटीत 4.82 लाख कोटी रुपयांचे घोटाळे झाल्याचे सांगण्यात आले आहे. या पैशाचा योग्य वापर केला असता तर या रकमेतून 24 INS विक्रांत बनवता आले असते, 300 राफेल विमाने खरेदी करता आली असती आणि 1000 मिशन मंगल पूर्ण करता आले असते. भाजपने 2004 ते 2014 या काँग्रेसच्या कार्यकाळाला ‘हरवलेले दशक’ म्हणून संबोधले कारण त्या काळात वृत्तपत्रे भ्रष्टाचाराच्या बातम्यांनी भरलेली होती, ज्यामुळे प्रत्येक भारतीयाचे मान शरमेने झुकली होती.

काँग्रेस फाइल्सचा दुसरा भागही प्रसिद्ध

https://twitter.com/BJP4India/status/1642716046112219138?s=20

भाजपने सोमवारी या मालिकेतील दुसरा भागही प्रसिद्ध केला. यात पैसे घेऊन पद्मभूषण विकल्याचा आणि पेंटिंग खरेदी करायला लावून खंडणी उकळल्याचा आरोप आहे. राणा कपूर यांचा जबाब आणि त्यांनी प्रियांका गांधींना दिलेला चेकही यात दाखवण्यात आला आहे.

काँग्रेस चालवतेय डेमोक्रसी डिसक्वालिफाइड सिरीज

यापूर्वी, काँग्रेसनेही अदानी मुद्द्यावरून भाजपवर हल्ला चढवला होता आणि ‘हम अदानी के हैं कौन’ या मोहिमेअंतर्गत अनेक प्रश्न विचारण्यात आले होते. ज्याला Democracy Disqualified असे नाव देण्यात आले आहे. याअंतर्गत एएम सिंघवी, जितेंद्र सिंह, शक्ती सिंह गोहिल, अलका लांबा, राजीव शुक्ला हे व्हिडिओच्या माध्यमातून मोदी सरकारवर प्रश्न उपस्थित करताना दिसले.