Vladimir Putin : व्लादिमीर पुतिन यांचं मोठं वक्तव्य; जाणून घ्या, पंतप्रधान मोदींचे आभार का मानले?

By, Pravin Pawar - October 19, 2024 11:00:34

0

Vladimir Putin याआधीही पुतिन म्हणाले होते की, युक्रेनसोबतच्या शांतता चर्चेत भारत मध्यस्थ बनू शकतो.

विशेष प्रतिनिधी

नवी दिल्ली : Vladimir Putin रशियाचे राष्ट्राध्यक्ष व्लादिमीर पुतिन यांनी पंतप्रधान नरेंद्र मोदी यांचे कौतुक केले आहे. युक्रेन संघर्षावर पुतिन म्हणाले की, पंतप्रधान मोदींसोबतच्या संभाषणात त्यांनी प्रत्येक वेळी हा मुद्दा उपस्थित केला आहे आणि त्यांच्या चिंता व्यक्त केल्या आहेत. याबद्दल आम्ही त्यांचे आभारी आहोत. एका कार्यक्रमादरम्यान काही लोकांना संबोधित करताना पुतिन यांनी या गोष्टी सांगितल्या. याआधीही पुतिन म्हणाले होते की, युक्रेनसोबतच्या शांतता चर्चेत भारत मध्यस्थ बनू शकतो. Vladimir Putin

रशियाचे अध्यक्ष व्लादिमीर पुतिन म्हणाले, ‘रशिया युक्रेनचे संकट शांततेने संपवण्यास इच्छुक आहे. ही चर्चा आम्ही थांबवली नाही तर युक्रेनने थांबवली होती.

Tamannaah Bhatia : अभिनेत्री तमन्ना भाटियावर EDची पकड, HPZ ॲप घोटाळ्यात चौकशी सुरू

तसेच आगामी ब्रिक्स परिषदेबाबत पुतिन म्हणाले, ‘ब्रिक्सचा उद्देश कधीही कोणाच्या विरोधात नव्हता. तर पंतप्रधान नरेंद्र मोदी म्हणाले की, ब्रिक्स हा पाश्चिमात्य विरोधी गट नाही, तो पश्चिमेतर गट आहे. या परिषदेत सहभागी होण्यासाठी पुतीन यांनी मोदींना विशेष निमंत्रण दिले आहे. Vladimir Putin

रशियाचे अध्यक्ष पुतिन यांचे हे वक्तव्य अशा वेळी आले आहे जेव्हा पंतप्रधान मोदी १६व्या ब्रिक्स परिषदेत सहभागी होण्यासाठी २२-२३ ऑक्टोबर रोजी रशियाला जाणार आहेत. परराष्ट्र मंत्रालयाने शुक्रवारी सांगितले की, पंतप्रधान समूह सदस्यांच्या नेत्यांसह आणि इतर निमंत्रितांच्या द्विपक्षीय बैठका देखील घेतील. पंतप्रधान मोदी यांचा या वर्षातील हा दुसरा रशिया दौरा आहे. यावेळी रशियाच्या अध्यक्षतेखाली कझानमध्ये ब्रिक्स शिखर परिषद आयोजित केली जात आहे.