कुटुंब जमिनीच्या वादात अडकले, भाजपची सीबीआय चौकशीची मागणी
विशेष प्रतिनिधी
नवी दिल्ली : काँग्रेस अध्यक्ष मल्लिकार्जुन खर्गे ( Mallikarjun Kharge ) यांच्या अडचणीत वाढ होताना दिसत आहे. त्यांचे कुटुंब जमिनीच्या वादात अडकले आहे. दरम्यान, भाजपनेही त्यांच्यावर निशाणा साधत घोटाळ्याचा आरोप करत या प्रकरणाची सीबीआय चौकशी करण्याची मागणी केली आहे.
काँग्रेसचे अध्यक्ष मल्लिकार्जुन खर्गे यांच्या कुटुंबीयांनी चालवल्या जाणाऱ्या ट्रस्टला कर्नाटकातील भूखंड वाटपात घोटाळा झाल्याचा आरोप भाजपने मंगळवारी केला आणि या प्रकरणाची सीबीआय चौकशी करण्याची मागणी केली. भाजप मुख्यालयात पत्रकार परिषदेला संबोधित करताना पक्षाचे राष्ट्रीय प्रवक्ते गौरव भाटिया यांनी काँग्रेस अध्यक्ष मल्लिकार्जुन खर्गे आणि कर्नाटक सरकारमध्ये मंत्री असलेले त्यांचे पुत्र प्रियांक खर्गे यांच्या राजीनाम्याची मागणी केली. त्यांनी कर्नाटकचे मुख्यमंत्री सिद्धरामय्या यांच्या राजीनाम्याचीही मागणी केली आहे.
भाटिया म्हणाले, ‘काँग्रेसच्या भ्रष्टाचारात सातत्य आहे. जिथे जाऊ तिथे भ्रष्टाचार करू, ही काँग्रेसची नवी घोषणा आहे. काँग्रेस हा भ्रष्टाचाराचा समानार्थी शब्द बनला आहे, असे म्हटल्यास वावगे ठरणार नाही. ते म्हणाले, ‘आम्ही एमयूडीएस (म्हैसुरू नागरी विकास प्राधिकरण) घोटाळा आणि वाल्मिकी विकास महामंडळ घोटाळा कर्नाटकचे मुख्यमंत्री सिद्धरामय्या यांच्या नाकाखाली होताना पाहिले आहे. आता कर्नाटकात मल्लिकार्जुन खर्गे आणि त्यांच्या कुटुंबीयांनी चालवल्या जाणाऱ्या ट्रस्टला पाच एकर जमीन दिल्याचे प्रकरण समोर आले आहे.
भाजपच्या प्रवक्त्याने सांगितले की, हा भूखंड खर्गे कुटुंबीयांनी चालवल्या जाणाऱ्या ट्रस्टला नियमांचे उल्लंघन करून वाटप केला होता. या ट्रस्टमध्ये मल्लिकार्जुन खर्गे, त्यांची पत्नी, त्यांचे जावई राधाकृष्ण आणि मुले प्रियांक खर्गे आणि राहुल खर्गे यांचा सहभाग असल्याचा दावा त्यांनी केला. भाटिया यांनी दावा केला की, ‘आमच्याकडे उपलब्ध माहितीनुसार, अनेक कंपन्या आणि संस्थांनी भूखंडासाठी अर्ज केले होते, परंतु नियमांकडे दुर्लक्ष करून ते खर्गे कुटुंबीयांकडून चालवल्या जाणाऱ्या ट्रस्टला देण्यात आले.
To be published, comments must be reviewed by the administrator.*
Our website uses cookies to improve your experience. Learn more
Download App