Mamata Banerjee : “तृणमूल काँग्रेस हुकूमशाही अन् तालिबानी मानसिकतेचे प्रतिनिधित्व करत आहे”

By, Pravin Wankhade - August 17, 2024 05:09:38

0

बलात्कार आणि हत्येच्या घटनेवरून भाजपने ममता सरकारला धारेवर धरले…

विशेष प्रतिनिधी

कोलकाता : प्रशिक्षणार्थी डॉक्टरच्या बलात्कार आणि हत्येप्रकरणी न्यायाची मागणी करणाऱ्या डॉक्टर आणि माध्यमांच्या एका वर्गावर पश्चिम बंगाल सरकार कारवाई करत असल्याचा आरोप भारतीय जनता पक्षाने शनिवारी केला. भाजपचे प्रवक्ते शेहजाद पूनावाला यांनी दावा केला की मुख्यमंत्री ममता बॅनर्जी( Mamata Banerjee ) यांच्या नेतृत्वाखालील सरकारचा एकमेव अजेंडा “सत्याला गप्प करणे, बलात्काऱ्यांना संरक्षण देणे आणि कोणत्याही किंमतीवर पुरावे नष्ट करणे” आहे.

Sharad Pawar : बांगलादेशात जिहादी सत्ता, हिंदूंवर अत्याचार; पवार म्हणाले, महाराष्ट्रात नकोत त्याचे पडसाद!!

तसेच ते म्हणाले की गुन्हेगारांना संरक्षण देण्यासाठी हे “सर्वात भयंकर आणि संस्थात्मक धोरण” आहे. पूनावाला यांनी पत्रकारांना सांगितले की, न्यायासाठी आवाज उठवल्याबद्दल 43 डॉक्टरांची बदली करण्यात आली होती, त्यापैकी काहींची बदली दुर्गम भागात करण्यात आली होती, तर पोलिसांनी नागरिक आणि पत्रकारांना न्यायासाठी त्यांच्या लढाईसाठी कायदेशीर कारवाईचा इशारा दिला आहे.

या प्रकरणात न्याय मिळावा या मागणीसाठी आंदोलनाचे नेतृत्व केल्याबद्दल बॅनर्जी यांच्यावर निशाणा साधत, पूनावाला यांनी गृह आणि आरोग्य मंत्रालयाच्या प्रभारी असताना त्या कशाचा निषेध करत होत्या, असे विचारले. आरजी कर मेडिकल कॉलेज आणि हॉस्पिटलवर हल्ला करणाऱ्या हजारो हल्लेखोरांवर कारवाई करणे हे पोलिसांचे प्राधान्य नसून न्यायासाठी आवाज उठवणाऱ्यांवर कारवाई करणे हाच पोलिसांचा अग्रक्रम असल्याचा दावा त्यांनी केला.

काही पत्रकारांना त्यांचे सोशल मीडिया खाते बंद करावे लागले, असा दावा त्यांनी केला. तसेच भाजपच्या प्रवक्त्यांनी आरोप केला आहे की, “तृणमूल काँग्रेस हुकूमशाही आणि तालिबानी मानसिकतेचे प्रतिनिधित्व करत आहे.”