जम्मूच्या डोडामध्ये तीन दहशतवादी ठार ; डोंगरावर लपलेल्या एका दहशतवाद्याचा शोध सुरू

By, Pravin Wankhade - June 26, 2024 09:00:24

0

प्रत्येक कानाकोपऱ्यावर सैनिक तैनात असून हेलिकॉप्टरद्वारे पाळत ठेवली जात आहे.

विशेष प्रतिनिधी

नवी दिल्ली: जम्मू-काश्मीरच्या डोडामध्ये सुरक्षा दलांनी आतापर्यंत तीन दहशतवाद्यांचा खात्मा केला आहे. चौथ्या दहशतवाद्याचा शोध सुरू आहे. सूत्रांकडून मिळालेल्या माहितीनुसार, चौथा दहशतवादी डोंगरात लपून बसला आहे. सुरक्षा दल चौथ्या दहशतवाद्याचा शोध घेत आहेत.Three terrorists killed in Jammus Doda The search for a terrorist hiding in the mountains is on

आज सकाळी दहशतवादी दडून बसले असल्याची माहिती मिळाल्यानंतर जवानांनी दहशतवाद्यांना घेराव घालण्यास सुरुवात केली. दहशतवादाचा नायनाट करण्यासाठी खोऱ्यात सातत्याने कारवाया सुरू आहेत. आजही तीच मोहीम पुढे नेण्यात आली आहे. डोडाच्या जंगलात सुरक्षा दलांची तैनाती ही सीमेपलीकडून येणाऱ्या दहशतवाद्यांच्या खात्माची सुरुवात आहे. प्रत्येक कानाकोपऱ्यावर सैनिक तैनात असून हेलिकॉप्टरद्वारे पाळत ठेवली जात आहे.

जम्मूच्या रियासीमध्ये हल्ला:वैष्णोदेवीकडे निघालेल्या बसवर दहशतवाद्यांचा गोळीबार; 10 भाविक ठार

डोडामध्ये काही दिवसांपासून दहशतवाद्यांचा शोध सुरू आहे. तीच मोहीम आज आणखी तीव्र करण्यात आली. दरम्यान, विविध ठिकाणी संशयास्पद दिसल्याचीही माहिती मिळत होती. त्यानंतर सुरक्षा दलांनी संपूर्ण परिसराला घेराव घातला यावर दहशतवाद्यांनी गोळीबार केला, ज्याला प्रत्युत्तर म्हणून लष्कराच्या व्हाईट नाइट कॉर्प्सने डोडा चकमकीची कमान हाती घेतली आहे. लष्कराने त्याला ऑपरेशन लगोर असे नाव दिले आहे. गुप्त माहितीच्या आधारे लष्कर आणि जम्मू काश्मीर पोलिसांनी भदरवाह सेक्टरच्या गंडोहमध्ये संयुक्त कारवाई सुरू केली. सुरक्षा दलांनी संपूर्ण परिसराला वेढा घातला आणि दहशतवाद्यांचे सर्व मार्ग बंद केले.

11 जून रोजी रात्री उशिरा दहशतवाद्यांनी डोडा येथील छत्रगलनमध्ये सुरक्षा दलांवर हल्ला केला होता. ज्यात 6 सुरक्षा कर्मचारी जखमी झाले. यानंतर 12 जून रोजी गंडोहमधील कोटा टॉप येथे दहशतवाद्यांशी झालेल्या चकमकीत एक पोलीस जखमी झाला होता. तेव्हापासून परिसरात घुसखोरी करणाऱ्या चार दहशतवाद्यांचा शोध मोहीम तीव्र करण्यात आली होती. प्रत्येकावर प्रत्येकी 5 लाख रुपयांचे बक्षीसही जाहीर करण्यात आले होते. आज सुरक्षा दलांना दहशतवादी लपल्याची ठोस माहिती मिळाली, त्यानंतर ऑपरेशन सुरू करण्यात आले.