द काश्मीर फाईल्सचे असेही यश, ३३ वर्षांनंतर काश्मीरमधील पंडीतांच्या नरसंहाराबाबत जागे झाले हिंदू

By, Sachin Deshmukh - March 25, 2022 07:50:34

0

विशेष प्रतिनिधी

नवी दिल्ली : द काश्मीर फाईल्स चित्रपटाने हिंदूंना जागृत करण्याचे काम केले आहे. ३३ वर्षांनंतर प्रथमच काश्मीरी पंडीतांच्या नरसंहाराबाबत हिंदू जागृत झाले आहेत. गूगलवर या नरसंहाराबाबत शोध सुरू असल्याचे गूगल ट्रेंडमधून समोर आले आहे.काश्मिरी पंडितांच्या अस्सल कथांवर आधारित त्यांच्या व्यथा मांडणार हा चित्रपट 1990 च्या दशकाच्या सुरुवातीच्या काळात प्रेक्षकांना घेऊन जातो.The success of The Kashmir Files, after 33 years, Hindus woke up to the massacre of Pandits in Kashmir

त्यावेळी वाढत्या इस्लामिक जिहादमुळे काश्मीरमध्ये अशांतता सुरू झाली. बहुसंख्य हिंदूंना खोऱ्यातून हाकलण्यात आले. ज्यांनी काश्मीर सोडण्यास नकार दिला त्यांच्या जिहादी मुस्लिमांनी केल्या. फेब्रुवारी ते मार्च 1990 दरम्यान खोऱ्यातील एकूण 1 लाख 40,000 काश्मिरी पंडितांपैकी सुमारे 1 लाख लोकांनी स्थलांतर केले.

काश्मीरी हिंदू नरसंहाराचे क्रूरपणे प्रामाणिक वर्णन करण्याचा प्रयत्न करणाऱ्या विवेक अग्निहोत्री दिग्दर्शित चित्रपटाने प्रेक्षकांमध्ये एकच खळबळ माजवली आहे. हिंदूंवरील या प्रकारचे घृणास्पद हल्ले सार्वजनिक स्मरणातून पुसून टाकल्याबद्दल पूर्वीच्या तथाकथित लिबरल सरकारांविरुध्द संताप व्यक्त हो तआहे.

द काश्मीर फाईल्सवर आयएएस अधिकाऱ्याचे वादग्रस्त वक्तव्य, मुस्लिमांच्या हत्यांवरही चित्रपट बनवा म्हणाले, सरकारने बजावली नोटीस

द काश्मीर फाईल्स चित्रपट पाहून थिएटरमधून बाहेर पडल्यानंतर जास्तीत जास्त लोक काश्मिरी हिंदू आणि समुदायाविरुद्ध सुरू केलेल्या नरसंहाराबद्दल जाणून घेत आहेत. गेल्या 30 दिवसांपासून काश्मिरी पंडित आणि त्यांच्या भीषण हत्यांबद्दल माहिती शोधण्याचा ट्रेंड गूगलवर वाढला आहे.

‘काश्मिरी पंडित’ या कीवर्डसाठी 30 दिवसांच्या गूगल ट्रेंडस डेटाचे विश्लेषण येथे आहे. ‘द काश्मिरी पंडित’ हा चित्रपट 11 मार्च 2022 रोजी प्रदर्शित झाला. चित्रपट प्रदर्शित होण्याच्या एक आठवडा आधी गुगलवर काश्मिरी पंडित शोधणे सुरू झाले. 15 मार्च रोजी एका आठवड्यात ट्रेंडने कमाल पातळी गाठली. जास्तीत जास्त लोकांना काश्मिरी पंडितांचे काय झाले याबद्दल जाणून घ्यायचे आहे. काश्मिरी पंडितांच्या नरसंहाराला कारणीभूत असलेल्या कट्टरपंथी इस्लामिक दहशतवादाचा काळा इतिहास उघड करण्यासाठी हा चित्रपट लोकांना प्रेरणा देणारा प्रभाव ठरला.

काश्मीरी पंडित नरसंहार हा शब्द गूगल ट्रेंडमध्ये आहे. ज्या लोकांनी चित्रपट पाहिला ते आता काश्मिरी पंडितांच्या बळींची विशिष्ट माहिती शोधत आहेत. गिरीजा टिकू, बीके गंजू आणि इतरांसारख्या नरसंहारातील बळींच्या कहाण्याही शोधल्या जात आहेत. लोक या बळींचा तपशील आणि त्यांच्या कथा शोधत आहे.

गिरिजा टिकू या एक काश्मिरी पंडित तरुणीवर दहशतवाद्यांनी बलात्कार केला. त्यानंतर मेकॅनिकल सॉ वापरून तिचे अर्धे तुकडे केले. गेल्या महिन्यात सर्वाधिक शोधल्या गेलेल्या कीवर्डपैकी एक गिरीजा टिकू आहे. चित्रपट रिलीज झाल्यानंतर लगेचच प्रेक्षकांनी गिरीजा टिकू आणि तिच्या कुटुंबाबाबत माहिती घेण्यास सुरूवात केली.

बीके गंजू हा देखील गेल्या महिन्यात सर्वाधिक शोधलेल्या कीवर्डपैकी एक होता. या चित्रपटातील सर्वात हृदयद्रावक दृश्यांपैकी एक म्हणजे एका स्त्रीला तिच्या पतीच्या रक्तात भिजलेला भात बळजबरीने खायला दिला जातो. अभियंता असलेल्या बी. के. गंजूचा शोध दहशतवादी घेत असतात. तांदळाच्या बॅरलमध्ये लपलेल्या गंजू यांना दहशतवाद्यांनी गोळ्या घालून ठार केले. तांदळाच्या बॅरलवर गोळ्यांच्या फैरी झाडल्यावर त्यातून रक्त बाहेर येऊ लागले. दहशतवाद्यांनी रक्तात भिजलेले तांदूळ नंतर गंजूच्या पत्नीला जबरदस्तीने खाऊ घातले.

यासिन मलिक, बिट्टा कराटे उर्फ फारुख अहमद दार या दहशतवाद्यांचा शोधही इंटरनेटवर भारतीय घेत आहेत. जम्मू आणि काश्मीर लिबरेशन फ्रंट या पाकिस्तान समर्थक दहशतवादी संघटनेचा प्रमुख यासीन मलिकने जम्मू आणि काश्मीरमधील काश्मिरी हिंदूंच्या नरसंहारात प्रमुख भूमिका बजावली होती. त्याच्यावर काश्मीरमध्ये दहशतवादाला आर्थिक मदत केल्याचा आरोप आहे. त्याला भारतीय भूमीवर आर्थिक मदत करणे आणि दहशतवाद घडवून आणणे या प्रकरणात अटक करण्यात आली आहे. यासीन मलिकची माहिती शोधली जात आहे.

इंटरनेटवर सर्वाधिक माहिती बिट्टा कराटे उर्फ फारुख अहमद दार याच्याबद्दल शोधली जात आहे. या दहशतवाद्याने जणू भारताविरुध्द युध्द पुकारले होते. पंडितांचा कसाई म्हणून ओळखल्या जाणाºया बिट्टा कराटे याने एका मुलाखतीत 20 हून अधिक काश्मिरी पंडितांची हत्या केल्याची कबुली दिली होती. बिट्टा कराटे जम्मू काश्मीर लिबरेशन फ्रंटचा प्रमुख बनला होता. 11 मार्च रोजी ‘द काश्मीर फाइल्स’ हा चित्रपट प्रदर्शित झाल्यापासून बिट्टा कराटेही गूगलवर ट्रेंडींग की वर्ड आहे.

डाव्या विचारसरणीची प्रचारक असलेल्या प्रा. निवेदिता मेनन यांच्याबाबतही माहिती शोधली जात आहे. विद्यापीठाच्या कॅम्पसमधील तरुण विद्यार्थ्यांना राज्याविरुद्ध शस्त्रे उचलण्यासाठी भडकवल्याचे समोर आले आहे. जेएनयूमध्ये राज्यशास्त्राचे प्राध्यापक असलेले मेनन काश्मीरला स्वातंत्र्य मिळवून देण्यासाठी विद्यार्थ्यांचे ब्रेनवॉश करताना अनेकदा पकडल्या गेल्या आहेत.