पाच दिवसांनंतर संपली छापेमारी, 'INLD'चे माजी आमदार दिलबाग सिंह यांना अटक!|The raid ended after five days the former MLA of INLD Dilbagh Singh was arrested

पाच दिवसांनंतर संपली छापेमारी, ‘INLD’चे माजी आमदार दिलबाग सिंह यांना अटक!

ईडीने मनी लाँडरिंग कायद्यांतर्गत दिलबाग सिंग विरोधात गुन्हा दाखल केला आहे.

विशेष प्रतिनिधी

यमुनानगर : हरियाणातील यमुनानगर येथील आयएनएलडीचे माजी आमदार दिलबाग सिंग (INLD) यांच्या घरावर सलग पाच दिवस सुरू असलेला ईडीची छापेमारी आता संपली आहे. सोमवारी दुपारी एकच्या सुमारास छापा संपला आणि ईडीच्या पथकाने माजी आमदार दिलबाग सिंग यांना अटक केली.The raid ended after five days the former MLA of INLD Dilbagh Singh was arrested

हरियाणामध्ये ED कारवाई, INLD नेते दिलबाग सिंह यांच्या घरात सापडली कोट्यवधींची रोकड!

ईडीच्या पथकाने दिलबाग सिंग आणि त्यांच्या कुटुंबीयांचे चार आयफोनही जप्त केले आहेत. यासोबतच दिलबाग सिंग यांच्या अगदी जवळच्या कुलविंदर सिंगलाही अटक करण्यात आली आहे. ईडीने मनी लाँडरिंग कायद्यांतर्गत दिलबाग सिंग विरोधात गुन्हा दाखल केला आहे.

तत्पूर्वी, सोमवारी दुपारी INLD नेते दिलबाग सिंग यांच्या कार्यालयाबाहेर जोरदार गोंधळ झाला. अशा स्थितीत ईडीची टीम दिलबाग सिंग यांना सोबत घेईल अशी शक्यता वर्तवली जात होती. त्यानंतर काही वेळाने ईडीचे अधिकारी त्यांना सोबत घेऊन निघून गेले. शुक्रवारी ईडीची निम्मी टीम येथून निघून गेली होती. तर काही वाहनं माजी आमदारांच्या कार्यालयाबाहेर ईडीची काही वाहने थांबलेली होती.

4 जानेवारीला ईडीच्या टीमने दिलबाग सिंगच्या अनेक ठिकाणांवर एकाच वेळी छापे टाकले होते. या काळात त्यांच्या घरातून विदेशी शस्त्रे, दारू आणि सोने याशिवाय ५ कोटी रुपयांची रोकड सापडली. यानंतर ईडीची टीम त्यांच्या घरी होती.