Opal Suchata Chuangshri : थायलंडची ओपल सुचाता चुआंगश्री मिस वर्ल्ड 2025; भारताची नंदिनी गुप्ता टॉप-20 पर्यंत पोहोचली होती

By, Pravin Wankhade - June 1, 2025 01:00:01

0

वृत्तसंस्था

नवी दिल्ली : Opal Suchata Chuangshri थायलंडच्या ओपल सुचाता चुआंगश्रीने मिस वर्ल्ड २०२५ चा किताब जिंकला आहे. यावर्षी फिनाले हैदराबाद येथील हायटेक्स एक्झिबिशन सेंटरमध्ये झाला. भारताच्या नंदिनी गुप्ताने १०८ देशांतील स्पर्धकांशी स्पर्धा केली आणि टॉप-२० मध्ये पोहोचली, परंतु तिला टॉप-८ मधून बाहेर पडावे लागले.Opal Suchata Chuangshri

मिस वर्ल्ड 2024 क्रिस्टीना पिझकोवा हिने आपला मुकुट ओपल सुचाता यांच्याकडे सोपवला. तर मिस वर्ल्ड उपविजेती इथिओपियाची हसेट डेरेस होती. पोलंडची माजा क्लाज्दा दुसरी उपविजेती आणि मार्टिनिकची ऑरेली जोआकिम तिसरी उपविजेती ठरली.

राष्ट्रवादीच्या ऐक्याची आधी सोडली पुडी, आता पवारांचे कानावर हात; पण खरे कारण काय??

फिनालेची सुरुवात टॉप-४० स्पर्धकांच्या सांस्कृतिक रॅम्प वॉकने झाली, ज्यामध्ये भारतातील नंदिनी गुप्ता शो-स्टॉपर होती. या स्पर्धेच्या ७२ वर्षांच्या इतिहासात भारताने सर्वाधिक मिस वर्ल्ड किताब जिंकले आहेत. रीता फारिया ही मिस वर्ल्ड जिंकणारी पहिली भारतीय आहे. तिच्यानंतर ऐश्वर्या राय, प्रियंका चोप्रा, युक्ता मुखे, डायना हेडन आणि मानुषी छिल्लर देखील मिस वर्ल्ड बनल्या आहेत.

मिस वर्ल्डच्या ७२ वर्षांच्या इतिहासात तिसऱ्यांदा भारतात फिनाले आयोजित करण्यात आला. १९९६ मध्ये बंगळुरू येथे पहिला मिस वर्ल्डचा फिनाले झाला होता. त्यानंतर गेल्या वर्षी मुंबईत मिस वर्ल्डचा फिनाले आयोजित करण्यात आला होता.

थायलंडची ओपल सुचाता चुआंगश्री २०२५ ची मिस वर्ल्ड बनली

थायलंडची ओपल सुचाता हिने २०२५ ची मिस वर्ल्डचा किताब जिंकला आहे. २१ वर्षीय ओपल सुचाता हिने मिस वर्ल्डमध्ये मल्टीमीडिया पुरस्कार देखील जिंकला आहे.