जम्मूमध्ये भीषण अपघात, वैष्णोदेवीला जाणारी बस दरी कोसळली, 7 प्रवाशांचा जागीच मृत्यू|Terrible accident in Jammu, bus going to Vaishnodevi fell into ravine, 7 passengers died on the spot

जम्मूमध्ये भीषण अपघात, वैष्णोदेवीला जाणारी बस दरी कोसळली, 7 प्रवाशांचा जागीच मृत्यू

वृत्तसंस्था

श्रीनगर : जम्मूमध्ये भीषण बस अपघात झाला असून त्यात 7 जणांचा जागीच मृत्यू झाला आहे. ही घटना झज्जर कोटली भागातील आहे, प्रवाशांनी भरलेली बस अमृतसरहून कटराला जात असताना तिचे नियंत्रण सुटले आणि ती दरीत कोसळली.Terrible accident in Jammu, bus going to Vaishnodevi fell into ravine, 7 passengers died on the spot

या घटनेनंतर घटनास्थळी तातडीने पोहोचलेल्या पोलिसांनी स्थानिक लोकांसह बचावकार्याला सुरुवात केली. सर्व जखमींना खासगी रुग्णालयात पाठवण्यात आले आहे. या घटनेत आतापर्यंत 7 जणांचा मृत्यू झाल्याचे समोर आले आहे. पोलिस सूत्रांनी सांगितले की, बसमध्ये सुमारे 70-75 लोक होते, त्यापैकी काहींचा जागीच मृत्यू झाला. त्याचवेळी काहींना रुग्णालयात नेले असता डॉक्टरांनी त्यांना मृत घोषित केले.

पाकिस्तानच्या कुरापती सुरूच, जम्मूमध्ये आधुनिक ड्रोनद्वारे शस्त्रास्त्रांचा पुरवठा

#WATCH | J&K | A bus going from Amritsar to Katra fell into a deep gorge. As per Jammu DC, 10 people died in the accident. More details awaited.

Visuals from the spot. pic.twitter.com/fM2rN0fMSN

— ANI (@ANI) May 30, 2023

ताज्या माहितीनुसार, 4 गंभीर जखमींना शासकीय वैद्यकीय महाविद्यालय आणि रुग्णालयात हलवण्यात आले आहे. याशिवाय इतर 12 जखमींना स्थानिक पीएचसीमध्ये पाठवण्यात आले असून त्यांच्यावर उपचार सुरू आहेत.

बसमध्ये वैष्णोदेवीचेही होते प्रवासी

पोलीस सूत्रांनी दिलेल्या माहितीनुसार, जम्मूपासून 30 किमी अंतरावर असलेल्या झज्जर कोटली भागात बसचा अपघात झाला. बसमध्ये वैष्णोदेवीचे प्रवासीही होते. मंगळवारी (30 मे) सकाळी हा अपघात झाला, त्यानंतर आजूबाजूच्या भागातील लोक आणि पोलिसांनी संयुक्तपणे बचावकार्य केले. एका स्थानिक व्यक्तीने सांगितले की, बस दरीत कोसळल्याची माहिती मिळताच लोक तिकडे जमा झाले. बसमधील प्रवाशांना बाहेर काढण्याचे प्रयत्न सुरू झाले. पोलिसांना घटनेची माहिती देण्यात आली, त्यानंतर मदतकार्य हाती घेण्यात आले.