मोदी सरकारची मोठी कारवाई! तहरीक-ए-हुर्रियत बेकायदेशीर संघटना घोषित, अमित शाहांची घोषणा

By, Pravin Wankhade - December 31, 2023 03:00:19

0

जाणून घ्या, गृहमंत्री अमित शाह या संघटनेबाबत नेमकं काय म्हणाले आहेत

विशेष प्रतिनिधी

नवी दिल्ली : जम्मू-काश्मीरमधील फुटीरतावादी विचारसरणीबाबत मोदी सरकारची मोठी कारवाई समोर आली आहे. तेहरीक-ए-हुर्रियत जम्मू-काश्मीर संघटनेला भारत सरकारने बेकायदेशीर संघटना म्हणून घोषित केले आहे. भारत सरकारच्या या पावलावर गृहमंत्री अमित शहा यांनी ट्विट केले आहे. ही संस्था बेकायदेशीर घोषित करण्यात आली आहे.Tehreek-e-Hurriyat declared an illegal organisation Amit Shahs announcement

भारत सरकारच्या म्हणण्यानुसार, तेहरीक-ए-हुरियत जम्मू काश्मीर गेल्या अनेक वर्षांपासून जम्मू-काश्मीरमध्ये फुटीरतावादी विचारसरणीला चालना देण्यासाठी काम करत होती.

मोदी सरकारच्या प्रगत भारत संकल्प रथाला दाखवला जातोय “नागरिकांचा” विरोध; पण हा तर राष्ट्रवादीचा छुपा पॅटर्न!!

केंद्रीय गृहमंत्री अमित शाह यांनी सोशल मीडिया प्लॅटफॉर्म ‘X’ वर सांगितले की, ‘तेहरिक-ए-हुर्रियत, जम्मू-काश्मीरला UAPA अंतर्गत ‘बेकायदेशीर संघटना’ घोषित करण्यात आले आहे.

गृहमंत्र्यांनी X वरील आपल्या पोस्टमध्ये लिहिले आहे की, ‘ही संघटना जम्मू-काश्मीर भारतापासून वेगळे करून इस्लामिक शासन स्थापन करण्याच्या प्रतिबंधित कारवायांमध्ये सामील आहे. हा गट भारतविरोधी प्रचार करत आहे आणि जम्मू-काश्मीरमध्ये फुटीरतावादाला प्रोत्साहन देण्यासाठी सतत दहशतवादी कारवाया करत आहे. पंतप्रधान नरेंद्र मोदी यांच्या दहशतवादाविरुद्धच्या शून्य सहिष्णुतेच्या धोरणांतर्गत, भारतविरोधी कारवायांमध्ये गुंतलेली कोणतीही व्यक्ती किंवा संघटनेव तत्काळ कारवाई केली जाईल.