ISRO कडून INSAT-3DS उपग्रहाचे यशस्वी प्रक्षेपण!

By, Pravin Wankhade - February 17, 2024 08:45:59

0

आता हवामानाची अचूक माहिती मिळणार आहे

विशेष प्रतिनिधी

श्रीहरिकोटा : भारतीय अंतराळ संशोधन संस्था (ISRO)ने संध्याकाळी 5.35 वाजता हवामानशास्त्रीय उपग्रह INSAT-3DS चे प्रक्षेपण केले. आधुनिक तंत्रज्ञानाने सुसज्ज असलेला हा उपग्रह हवामान अंदाज आणि नैसर्गिक आपत्तीच्या इशाऱ्यांचा अभ्यास करेल. 2024 मधील इस्रोची ही दुसरी मोहीम आहे. प्रक्षेपण वाहन GSLV-F14 ने श्रीहरिकोटा येथील सतीश धवन अंतराळ केंद्रातून हवामान उपग्रहासह उड्डाण केले.Successful launch of INSAT 3DS satellite by ISRO

ISRO आज पुन्हा इतिहास रचणार, ‘नॉटी बॉय’ उपग्रह प्रक्षेपित करणार

५१.७ मीटर उंच GSLV-F14 हे स्पेसपोर्ट येथील दुसऱ्या प्रक्षेपण पॅडवरून निघाले. तेव्हा गॅलरीत जमलेल्या प्रेक्षकांकडून टाळ्यांचा कडकडाट होत होता, येथे लोक प्रचंड उत्साहात होते.

या उपग्रहाचा उद्देश पृथ्वीच्या पृष्ठभागाच्या आणि महासागर निरीक्षणांच्या अभ्यासाला चालना देणे हा आहे. ५१.७ मीटर उंच GSLV-F14 रॉकेट येथून सोडण्यात आले.

ISROने सांगितले की 2,274 किलो वजनाचा उपग्रह भारतीय हवामान विभागासह पृथ्वी विज्ञान मंत्रालयाच्या अंतर्गत विविध विभागांना सेवा देईल. 1 जानेवारी रोजी PSLV-C58/EXPOSAT मिशनच्या यशस्वी प्रक्षेपणानंतर 2024 मधील इस्रोची ही दुसरी मोहीम आहे.