Jaish e Mohammed : काश्मीरमध्ये मोठा दहशतवादी कट उधळला ; जैश-ए-मोहम्मदच्या सहा दहशतवाद्यांना अटक

By, Pravin Wankhade - September 28, 2024 09:00:00

0

मोठ्याप्रमाणात दारूगोळा जप्त; सहाही आरोपींची कसून चौकशी करण्यात येत आहे.

विशेष प्रतिनिधी

जम्मू-काश्मीर : पाकिस्तानात बसलेले दहशतवादी हँडलर आता तुरुंगात असलेल्या त्यांच्या जुन्या ओव्हरग्राउंड हस्तकांच्या मदतीने काश्मीरमध्ये नवीन दहशतवादी मॉड्यूल तयार करत आहेत. दक्षिण काश्मीरमध्ये जैश-ए-मोहम्मदच्या ( Jaish e Mohammed ) सक्रिय असलेल्या दहशतवादी मॉड्युलच्या सहा जणांना पोलिसांनी शुक्रवारी अटक करून या कटाचा पर्दाफाश केला.

हे मॉड्यूल पकडल्याने, ग्रेनेड हल्ले, खोऱ्यातील गजबजलेल्या भागात आयईडी स्फोट आणि काश्मीरमधील स्थलांतरित कामगारांची मालिका टार्गेट किलिंगच्या माध्यमातून अराजकता पसरवण्याचा मोठा कट उधळला गेला आहे.

या मॉड्यूलमधून पाच रिमोट ऑपरेटेड आयईडी, 30 डिटोनेटर, आयईडीसाठी 17 बॅटरी, तीन मॅगझिन आणि 25 काडतुसे, दोन पिस्तूल, चार हातबॉम्ब आणि 20,000 रुपयांची रोकड जप्त करण्यात आली आहे. सहाही आरोपींची कसून चौकशी करण्यात येत आहे.

Congress : हरियाणा काँग्रेसच्या जाहीरनाम्यात बड्या – बड्या गोष्टी; पण संघटनेत बेरजेपेक्षा वजाबाकीच मोठी!!

पकडलेल्या दहशतवादी मॉड्यूलचा हस्तक हा दक्षिण काश्मीरमधील जैशचा जुना दहशतवादी असून तो काही वर्षांपूर्वी आपला जीव वाचवण्यासाठी पाकिस्तानात पळून गेला होता. पोलिसांनी त्याचे नाव उघड केले नसले तरी तो आशिक नेंगरू असावा. जम्मू-काश्मीरमधील तुरुंगात असलेल्या त्याच्या एका जुन्या ओव्हरग्रँड कामगाराच्या मदतीने त्याने हे मॉड्यूल तयार केले आहे.

अवंतीपोरा येथील पोलीस अधिकाऱ्याच्या म्हणण्यानुसार, गेल्या काही दिवसांपासून अशी माहिती मिळत होती की, पाकिस्तानमध्ये लपलेला जैशचा एक काश्मिरी दहशतवादी दक्षिण काश्मीरमध्ये आपले नेटवर्क पुन्हा स्थापित करण्यात व्यस्त आहे. आपल्या प्रणालीद्वारे तो जिहादी मानसिकतेने त्रस्त तरुणांना ओळखून त्यांच्याशी विविध मार्गांनी संवाद साधत आहे.