चंद्रयान -२ उपकरणांनी नोंदविली महत्वपूर्ण निरीक्षणे, त्यावरून चंद्राच्या पृष्ठभागावर हायड्रोक्सिल व पाण्याचा बर्फ,क्रोमियम व मँगनीजही सापडले|Significant observations reported by Chandrayaan-2 instruments, which also found hydroxyl and water ice, chromium and manganese on the lunar surface

चंद्रयान -२ उपकरणांनी नोंदविली महत्वपूर्ण निरीक्षणे, त्यावरून चंद्राच्या पृष्ठभागावर हायड्रोक्सिल व पाण्याचा बर्फ,क्रोमियम व मँगनीजही सापडले

विशेष प्रतिनिधी

बंगळुरू : चंद्रयान-२ अंतराळ यानाला चंद्रकक्षेत दोन वर्षे पूर्ण झाली आहेत. या यानावरी उपकरणांनी अत्यंत महत्त्वपूर्ण निरीक्षणे नोंदवित नवीन शोधही लावले आहेत. चंद्राच्या पृष्ठभागावर हायड्रोक्सिल व पाण्याचा बर्फ असल्याचे स्पष्ट संकेत दिले आहेत. त्याचबरोबर काही प्रमाणात क्रोमियम व मँगनीजही सापडले असल्याची माहिती भारतीय अंतराळ संशोधन संस्थेने (इस्रो) म्हटले आहे.Significant observations reported by Chandrayaan-2 instruments, which also found hydroxyl and water ice, chromium and manganese on the lunar surface

या आठवड्याच्या प्रारंभी इस्रोने दोनदिवसीय चंद्रविज्ञान कार्यशाळा व चंद्रयान-२ आकड्यांचे विमोचनच्या रूपात चंद्रविज्ञानावरील वैज्ञानिक चर्चा केली. यामध्ये शिक्षण तज्ज्ञ, संस्था आणि विद्यार्थ्यांना सहभागी करून घेण्यात येत आहे. चंद्रयान-२ अंतराळयानाला चांद्रकक्षेत दोन वर्षे पूर्ण होण्याचा उत्सव या कार्यशाळेत साजरा करण्यात आला.

केंद्र सरकारने चंद्रयान -3 च्या लॉन्चबद्दल दिली माहिती.. केव्हा होणार लाँच, वाचा सविस्तर

आॅनलाईनच्या माध्यमातून झालेल्या या कार्यक्रमात अंतराळ विभागातील (डीओएस) इस्रो अध्यक्ष व सचिव के. सिवन यांनी कार्यशाळेचे उद्घाटन केले. याचवेळी चंद्रयान-२ विज्ञान परिणाम व आकड्यांवरील माहिती त्यांनी सादर केली. चंद्रयान-२ वर आठ वैज्ञानिक उपकरणे नेण्यात आली आहेत. त्यांनी अत्यंत महत्वाचे शोध लावले आहेत.

चंद्रयान-२ने आयआयआरएसच्या मदतीने प्रथमच चंद्राच्या जलयोजन वैशिष्ट्यांचा माग घेतला. त्यावरून चंद्राच्या पृष्ठभागावर हायड्रोक्सिल व पाण्याच्या बफार्चे स्पष्ट संकेत दिले आहेत. क्लास उपकरणाने चंद्राच्या पृष्ठभागावर क्रोमियम व मँगनीज असल्याचे शोधले आहे. त्याचे प्रमाण कमी असले तरी चंद्रावर ही खनिजे असणे महत्वाचे आहे.

त्याचबरोबर स्पेक्ट्रोमीटर चेस-२ या उपकरणाने एका ध्रुवीय कक्षीय मंचावरून चंद्राबाहेरील वातावरणाच्या आवेशहीन संरचनेचा पहिल्यांदा तेथे राहून अभ्यास केला. मध्य व उच्च अक्षांशांवर आर्गन-४०च्या परिवर्तनशीलतेचा शोध या उपकरणांनी लावला आहे. एक्सएसएम उपकरणाने सूर्य शांत राहण्याच्या कालावधीत त्याच्या मायक्रोफ्लेअरचे निरीक्षण केले. त्यामुळे सूर्याच्या बाहेरील वायुमंडलाच्या ताप समस्येवर महत्त्वाची माहिती देते.