श्री राम मंदिर, मुख्यमंत्री योगी आणि STF प्रमुखास बॉम्बने उडवण्याची धमकी!|Shri Ram Temple Chief Minister Yogi and STF chief threatened to blow up with bombs

श्री राम मंदिर, मुख्यमंत्री योगी आणि STF प्रमुखास बॉम्बने उडवण्याची धमकी!

ईमेल पाठवणाऱ्याने तो दहशतवादी संघटना आयएसआयशी संबंधित असल्याचा दावा केला आहे.

विशेष प्रतिनिधी

नवी दिल्ली : उत्तर प्रदेशचे मुख्यमंत्री योगी आदित्यनाथ, राम मंदिर आणि एसटीएफचे एडीजी अमिताभ यश यांना बॉम्बने उडवण्याची धमकी मिळाल्यानंतर खळबळ उडाली आहे. ईमेल पाठवणाऱ्याने तो दहशतवादी संघटना आयएसआयशी संबंधित असल्याचा दावा केला आहे.Shri Ram Temple Chief Minister Yogi and STF chief threatened to blow up with bombs

मोहन यादव सरकारमध्येही योगी मॉडेल, सामूहिक बलात्काराच्या आरोपींच्या घरावर बुलडोझर!

तर धमकीचे प्रकरण समोर आल्यानंतर एटीएस आणि एसटीएफने तपास सुरू केला आहे. भारतीय किसान मंचचे राष्ट्रीय अध्यक्ष देवेंद्र तिवारी यांच्या तक्रारीच्या आधारे एफआयआर दाखल करण्यात आला आहे. झुबेर खान नावाच्या व्यक्तीच्या ईमेल आयडीवरून देवेंद्र तिवारी यांना धमकी देण्यात आली आहे.

एजन्सींनी ईमेल पाठवणाऱ्या व्यक्तीचा शोध सुरू केला आहे. धमकीचा ईमेल मिळाल्यानंतर देवेंद्र तिवारी यांनी UP 112 ला X (Twitter) वर टॅग करून माहिती दिली होती. 27 डिसेंबरला संध्याकाळी देवेंद्र यांना ईमेल पाठवण्यात आला होता.

22 जानेवारीला अयोध्येत तयार होत असलेल्या भगवान श्रीरामाच्या मंदिराच्या अभिषेक कार्यक्रमाचे आयोजन केले जाणार आहे, त्यासाठी आधीच कडेकोट सुरक्षा व्यवस्था ठेवण्यात आली आहे.