Bajinder Singh : स्वयंघोषित पाद्री बजिंदर सिंगला जन्मठेपेची शिक्षा ; बलात्कार प्रकरणात न्यायालयाने दिला निकाल

By, Pravin Wankhade - April 1, 2025 04:30:25

0

मोहालीतील झिरकपूर येथील एका महिलेने पास्टर बजिंदर सिंग यांच्यावर बलात्काराचा आरोप केला होता.

विशेष प्रतिनिधी

नवी दिल्ली : Bajinder Singh मोहाली न्यायालयाने बलात्कार प्रकरणाची सुनावणी पूर्ण केली आणि स्वयंघोषित पाद्री बजिंदर सिंगला जन्मठेपेची शिक्षा सुनावली. शिक्षा सुनावताना पीडित महिला न्यायालयात उपस्थित होती. २०१८ मध्ये, मोहालीतील झिरकपूर येथील एका महिलेने पास्टर बजिंदर सिंग यांच्यावर बलात्काराचा आरोप केला होता. शिक्षा सुनावण्यापूर्वी पीडितेने माध्यमांना सांगितले की, तिने ७ वर्षे ही लढाई लढली आहे.Bajinder Singh

सुनावणीदरम्यान, पाद्रीच्या वकिलाने दयेची याचिका केली आणि सांगितले की आता तो (बजिंदर सिंग) सुधारणेच्या मार्गावर आहे, परंतु न्यायालयाने बचाव पक्षाची दयेची याचिका फेटाळून लावली आणि म्हटले की स्वतःला धार्मिक नेता म्हणून सादर करणारी व्यक्ती त्याच्यावर श्रद्धा असलेल्या लोकांविरुद्ध असा गुन्हा करू शकत नाही. न्यायाधीशांनी असेही म्हटले की हा गुन्हा माफ करण्यायोग्य नाही आणि म्हणूनच तो मरेपर्यंत तुरुंगातच राहील.

Chief Minister : मुख्यमंत्री सहाय्यता निधी कक्षाचे उपकार आयुष्यभर विसरणार नाही, चिमुकल्याच्या आईचे कृतज्ञ बाेल

एवढेच नाही तर कोर्टात बलजिंदर सिंगने स्वतःला शिक्षेपासून वाचवण्यासाठी न्यायाधीशांसमोर अनेक सबबी सांगितल्या, त्याने सांगितले की त्याला लहान मुले आहेत. पण न्यायालयाने त्याचे ऐकले नाही आणि त्याला जन्मठेपेची शिक्षा सुनावली.

शिक्षा सुनावल्यानंतर पीडितेच्या पतीने सांगितले की आम्हाला न्यायावर पूर्ण विश्वास आहे आणि आम्हाला १०-२० वर्षांच्या शिक्षेची अपेक्षा होती, परंतु आज न्यायालयाने दिलेल्या निकालाने आम्ही खूप आनंदी आहोत. गेल्या ७ वर्षात मी आणि माझ्या कुटुंबाने खूप त्रास सहन केला आहे.

दरम्यान, पास्टर बजिंदर सिंग लैंगिक अत्याचार प्रकरणातील पीडितेचे वकील अनिल सागर म्हणाले, “बजिंदर हे आध्यात्मिक नेते म्हणून लोकप्रिय होते. त्यांचे शिष्य त्यांना ‘पापा जी’ म्हणत असत. जेव्हा अशा व्यक्तीकडून असा गुन्हा केला जातो तेव्हा त्याला कठोर शिक्षा झाली पाहिजे. आम्ही जन्मठेपेच्या शिक्षेवर समाधानी आहोत. त्याला शेवटच्या श्वासापर्यंत तुरुंगात राहावे लागेल.”