सचिन पायलट यांची जालंधर पोटनिवडणुकीसाठी स्टार प्रचारक म्हणून नियुक्ती करत काँग्रेसकडून बोळवण! Sachin Pilot appointed by Congress as star campaigner for Jalandhar by election

सचिन पायलट यांची जालंधर पोटनिवडणुकीसाठी स्टार प्रचारक म्हणून नियुक्ती करत काँग्रेसकडून बोळवण!

कर्नाटक विधानसभा निवडणुकीसाठी काँग्रेसच्या स्टार प्रचारकांच्या यादीत सचिन पायलट यांना स्थान देण्यात आलेले नाही.

विशेष प्रतिनिधी

जालंधर : काँग्रेसने बुधवारी जालंधर लोकसभा पोटनिवडणुकीसाठी स्टार प्रचारकांची यादी जाहीर केली. यामध्ये राजस्थानचे माजी उपमुख्यमंत्री सचिन पायलट आणि पंजाब काँग्रेसचे नेते नवज्योत सिंग सिद्धू यांचाही या यादीत समावेश करण्यात आला आहे. याशिवाय, काँग्रेसने कर्नाटक विधानसभा निवडणुकीसाठी स्टार प्रचारकांची यादीही जाहीर केली आहे, परंतु त्यात सचिन पायलट आणि सिद्धू यांची नावे नाहीत. Sachin Pilot appointed by Congress as star campaigner for Jalandhar by election

कर्नाटकच्या स्टार प्रचारकांच्या यादीतून सचिन पायलटला वगळणे हा पक्षाकडून कडक संदेश मानला जात आहे. खरं तर, राजस्थान काँग्रेसमध्ये सुरू असलेल्या वादाच्या पार्श्वभूमीवर सचिन पायलट यांनी अलीकडेच गेहलोत सरकारच्या विरोधात एक दिवसीय उपोषण केले होते. अशोक गेहलोत यांच्या नेतृत्वाखालील काँग्रेस सरकारने मागील वसुंधरा राजे सरकारच्या कार्यकाळातील कथित भ्रष्टाचाराच्या प्रकरणांवर कारवाई न केल्याच्या निषेधार्थ सचिन पायलट यांनी उपोषण केले होते.

Congress releases a list of star campaigners for the upcoming Lok Sabha by-election to Jalandhar constituency.

Former Punjab CM Charanjit Singh Channi, Navjot Singh Sidhu, Rajasthan CM Ashok Gehlot, Himachal CM Sukhvinder Singh Sukhu, Sachin Pilot, Manish Tewari and others to… pic.twitter.com/CtCtTQg2XU

— ANI (@ANI) April 19, 2023

कर्नाटकच्या स्टार प्रचारकांच्या यादीत सचिन पायलटचे नाव नसणे हे या उपोषणाचे कारण असल्याचे मानले जात होते. मात्र, काही तासांनंतर जालंधर लोकसभा पोटनिवडणुकीच्या स्टार प्रचारकांच्या यादीत सचिन पायलट यांच्या समावेश करण्यात आला.