दिल्ली मोर्चासाठी आंदोलक शेतकऱ्यांनी आणले जेसीबी-पोकलेन!

By, Pravin Pawar - February 21, 2024 05:00:06

0

हरियाणात चिंता, पंजाबच्या डीजीपींनी थांबण्याचे दिले आदेश

विशेष प्रतिनिधी

21 फेब्रुवारीला दिल्लीकडे कूच करण्यासाठी शेतकऱ्यांनी शंभू सीमेवर तयारी केली आहे. मंगळवारी पंजाबमधील तरुण शेतकरी जेसीबी आणि पोकलेन मशीन घेऊन आले आहेत. या मशीन्स ट्रॅक्टर मार्चच्या मध्यभागी आणण्यात आल्या होत्या, जेणेकरून त्यांना वाटेत कोणीही अडवू नये.Protesting farmers brought JCB Poklen for Delhi march

तर हरियाणाच्या डीजीपीने पंजाबच्या डीजीपीला पत्र लिहिल्यानंतर पंजाबच्या डीजीपींनी जेसीबी, पोकलेन, टिप्पर, हायड्रा आणि इतर जड उपकरणांची पंजाब-हरियाणा सीमेवर खनौरी आणि शंभूमध्ये येजा थांबवण्याचे आदेश दिले आहेत.

शंभू बॉर्डरला धडकले शेतकरी, सोबत काँक्रिट बॅरिकेड तोडणारी मशीन; आज दिल्लीकडे कूच करणार

डीजीपी पंजाब यांच्या सूचनेवरून शंभू सीमेकडे जड वाहने आणि जेसीबी घेऊन जात असताना शेतकऱ्यांना थांबवताना शंभू पोलिस ठाण्याचे एसएचओ आणि अन्य एक अधिकारी जखमी झाले. पटियाला शंभू पोलीस ठाण्याचे प्रभारी निरीक्षक अमन पाल सिंग विर्क आणि मोहालीचे एसपी जगविंदर सिंग चीमा जखमी झाले असून त्यांना जवळच्या रुग्णालयात दाखल करण्यात आले आहे. ज्या ठिकाणी ही घटना घडली त्या शंभू सीमेपूर्वी अधिकाऱ्यांनी सुमारे 5 किलोमीटर नाकाबंदी केली होती. पोलीस स्टेशन प्रभारी अमनपाल सिंग विर्क यांच्या गुडघ्याला दुखापत झाली आहे.

पंजाब-हरियाणा सीमेवर सुमारे 14,000 लोक 1,200 ट्रॅक्टर-ट्रॉली, 300 कार, 10 मिनी बसेससह लहान वाहनांसह जमले असल्याचा अंदाज केंद्राने व्यक्त केला आहे आणि पंजाब सरकारला आपला तीव्र आक्षेप नोंदवला आहे. पंजाब सरकारला पाठवलेल्या पत्रात केंद्रीय गृह मंत्रालयाने असेही म्हटले आहे की, गेल्या काही दिवसांत राज्यातील ढासळलेली कायदा आणि सुव्यवस्था ही चिंतेची बाब आहे आणि कायदा मोडणाऱ्यांवर कठोर कारवाई करण्यास सांगितले आहे.