पंतप्रधान नरेंद्र मोदी आज दिवसभरात घेणार सात महत्त्वपूर्ण बैठका

By, Pravin Wankhade - June 2, 2024 04:00:40

0

उष्माघात-चक्रीवादळ आणि पर्यावरण दिनासह अनेक मुद्द्यांवर चर्चा होणार आहे.

विशेष प्रतिनिधी

नवी दिल्ली : यंदा कडक उन्हाचा अंदाज हवामान खात्याने वर्तवला आहे. मे महिन्यात तापमानाने पन्नाशी ओलांडली आहे. हे पाहून पंतप्रधान नरेंद्र मोदी सध्या अॅक्शन मोडवर आले आहेत. पंतप्रधान मोदी आज उष्णतेचा सामना करण्यासाठी करण्यात येत असलेल्या तयारीबाबत आढावा बैठक घेणार आहेत. सूत्रांच्या माहितीनुसार ते आज विविध विषयांवर सात बैठका घेणार आहेत.Prime Minister Narendra Modi will hold seven important meetings today

चक्रीवादळानंतरच्या परिस्थितीचा आढावा घेण्यासाठी पहिली बैठक होणार आहे. या काळात ईशान्येकडील राज्यांतील परिस्थितीवर विशेषत: चर्चा होणार आहे. त्यानंतर ते देशातील उष्णतेच्या लाटेच्या परिस्थितीचा आढावा घेण्यासाठी बैठक घेणार आहेत.

राहुल गांधी म्हणतात, नरेंद्र मोदींनी फक्त चमच्यांनाच इंटरव्ह्यू दिले; पण हे “चमचे” आहेत तरी कोण??

जागतिक पर्यावरण दिन मोठ्या प्रमाणावर साजरा करण्याच्या तयारीचा आढावा घेण्यासाठी ते बैठक घेणार आहेत. यानंतर ते 100 दिवसांच्या कार्यक्रमाच्या अजेंडाचा आढावा घेण्यासाठी एक दीर्घ विचारमंथन सत्र आयोजित करतील.

मतदानाचा सातवा आणि शेवटचा टप्पा संपल्यानंतर एजन्सींनी एक्झिट पोल जाहीर केले आहेत. एक्झिट पोलनुसार, सलग तिसऱ्यांदा मोठ्या बहुमताने एनडीए सरकार स्थापन होताना दिसत आहे. पंतप्रधान नरेंद्र मोदीही 45 तासांच्या ध्यानानंतर कन्याकुमारीहून राजधानीत परतले आहेत.

मिळालेल्या माहितीनुसार, ते परत येताच पंतप्रधान पीएमओ अधिकाऱ्यांसोबत मोठी बैठक घेणार आहेत. निवडणूक प्रचारात व्यग्र होण्यापूर्वीच पंतप्रधान मोदींनी अधिकाऱ्यांना होमवर्क दिला होता. मोदी सरकार 3.0 च्या पहिल्या 100 दिवसांचे निर्णय पूर्ण झाले पाहिजेत, असे ते म्हणाले होते.