पंतप्रधान मोदी 7-8 जुलैला चार राज्यांच्या दौऱ्यावर, तब्बल 50 विकास प्रकल्पांचे उद्घाटन आणि पायाभरणी करणार|Prime Minister Modi will inaugurate and lay foundation stones of as many as 50 development projects during his four-state tour on July 7-8

पंतप्रधान मोदी 7-8 जुलैला चार राज्यांच्या दौऱ्यावर, तब्बल 50 विकास प्रकल्पांचे उद्घाटन आणि पायाभरणी करणार

वृत्तसंस्था

नवी दिल्ली : पंतप्रधान नरेंद्र मोदी 7 आणि 8 जुलै रोजी उत्तर प्रदेश, छत्तीसगड, तेलंगणा आणि राजस्थानला भेट देणार आहेत, त्यादरम्यान ते सुमारे 50,000 कोटी रुपयांच्या सुमारे 50 प्रकल्पांचे उद्घाटन आणि पायाभरणी करतील. अधिकृत सूत्रांनी मंगळवारी ही माहिती दिली. या वर्षाच्या अखेरीस उत्तर प्रदेश वगळता या सर्व राज्यांमध्ये निवडणुका होणार आहेत. पंतप्रधान मोदी शुक्रवारी दिल्लीहून प्रथम रायपूरला जातील, जिथे ते रायपूर-विशाखापट्टणम कॉरिडॉरच्या सहा-लेन विभागांसह अनेक प्रकल्पांची पायाभरणी आणि उद्घाटन करतील. यानंतर ते एका जाहीर सभेला संबोधित करतील.Prime Minister Modi will inaugurate and lay foundation stones of as many as 50 development projects during his four-state tour on July 7-8

सूत्रांनी सांगितले की, त्यानंतर पंतप्रधान गोरखपूरला जातील, जिथे ते गीता प्रेसमधील एका कार्यक्रमात सहभागी होतील. यानंतर ते तीन मार्गांवर वंदे भारत ट्रेनला हिरवा झेंडा दाखवतील आणि गोरखपूर रेल्वे स्थानकाच्या पुनर्विकासाची पायाभरणी करतील. गोरखपूरहून मोदी त्यांचा मतदारसंघ वाराणसीला जातील, जिथे ते अनेक मार्गांचे उद्घाटन आणि पायाभरणी करतील. वाराणसीतील पंडित दीनदयाळ उपाध्याय जंक्शन ते सोन नगर या समर्पित फ्रेट कॉरिडॉरच्या नवीन विभागाचे पंतप्रधान उद्घाटन करतील.

राजस्थानला मिळणार ‘वंदे भारत’ची दुसरी भेट, पंतप्रधान मोदी दाखवणार हिरवी झेंडा

ते चौपदरी राष्ट्रीय महामार्ग 56 (वाराणसी-जौनपूर) लोकांना समर्पित करतील. सूत्रांनी सांगितले की, पंतप्रधान मणिकर्णिका घाट आणि हरिश्चंद्र घाटाच्या नूतनीकरणाची पायाभरणी करणार आहेत. 8 जुलै रोजी पंतप्रधान वाराणसीहून तेलंगणातील वारंगलला जाणार आहेत. वारंगलमध्ये ते नागपूर-विजयवाडा कॉरिडॉरच्या प्रमुख भागांसह विविध प्रकल्पांची पायाभरणी करतील. राष्ट्रीय महामार्ग-563 च्या करीमनगर-वारंगल विभागाच्या चौपदरीकरणासाठीही मोदी पायाभरणी करतील. यानंतर ते वारंगलमध्ये जाहीर सभेत सहभागी होणार आहेत.

यानंतर, पंतप्रधान वारंगलहून बिकानेरला जातील, जिथे ते अनेक प्रकल्पांची पायाभरणी आणि लोकार्पण करतील. पंतप्रधान अमृतसर-जामनगर द्रुतगती मार्गाचे विविध भाग समर्पित करतील आणि ग्रीन एनर्जी कॉरिडॉर फेज-1 साठी आंतरराज्य ट्रान्समिशन लाइनदेखील समर्पित करतील. बिकानेर रेल्वे स्थानकाच्या पुनर्विकासाची पायाभरणीही ते करणार आहेत. यानंतर ते बिकानेरमध्ये जाहीर सभेला संबोधित करतील.