'BRICS' परिषदेत सहभागी होण्यासाठी पंतप्रधानन मोदी दक्षिण आफ्रिकेला रवाना; निघण्यापूर्वी म्हणाले... Prime Minister Modi leaves for a 2 day visit to South Africa to attend the 15th BRICS Summit being held in Johannesburg

‘BRICS’ परिषदेत सहभागी होण्यासाठी पंतप्रधानन मोदी दक्षिण आफ्रिकेला रवाना; निघण्यापूर्वी म्हणाले…

विशेष प्रतिनिधी

नवी दिल्ली: ब्रिक्स शिखर परिषद 2023: पंतप्रधान नरेंद्र मोदी 22 ते 24 ऑगस्ट दरम्यान होणाऱ्या 15 व्या ब्रिक्स शिखर परिषदेत सहभागी होण्यासाठी आज, मंगळवारी दक्षिण आफ्रिकेच्या जोहान्सबर्गला रवाना झाले आहेत. दक्षिण आफ्रिका आणि ग्रीस दौऱ्यापूर्वी पंतप्रधान मोदींचे एक वक्तव्य समोर आले आहे., जे पंतप्रधान कार्यालयाने जारी केलेल्या निवेदनात आहे. Prime Minister Modi leaves for a 2 day visit to South Africa to attend the 15th BRICS Summit being held in Johannesburg

पंतप्रधान कार्यालयाने जारी केलेल्या निवेदनानुसार, पंतप्रधान म्हणाले, “१५ व्या ब्रिक्समध्ये सहभागी होण्यासाठी मी दक्षिण आफ्रिकेचे राष्ट्राध्यक्ष सिरिल रामाफोसा यांच्या निमंत्रणावरून २२-२४ ऑगस्ट २०२३ या कालावधीत दक्षिण आफ्रिकेच्या प्रजासत्ताकाला भेट देणार आहे. जोहान्सबर्ग येथे दक्षिण आफ्रिकेच्या अध्यक्षतेखाली शिखर परिषद होणार आहे. जोहान्सबर्गमध्ये उपस्थित असलेल्या काही नेत्यांसोबत द्विपक्षीय बैठका घेण्यासाठी मी उत्सुक आहे. मी 25 ऑगस्ट 2023 रोजी दक्षिण आफ्रिकेतून अथेन्स, ग्रीस येथे प्रवास करेन. ग्रीसचे पंतप्रधान किरियाकोस मित्सोटाकिस यांचे निमंत्रण आहे. ही माझी पहिली भेट असेल. 40 वर्षांनंतर ग्रीसला भेट देणारा पहिला भारतीय पंतप्रधान होण्याचा मान मला मिळाला आहे.

Prime Minister Shri @narendramodi leaves for a 2-day visit to South Africa to attend the 15th BRICS Summit being held in Johannesburg.

He will also take part in the BRICS-Africa Outreach and BRICS Plus Dialogue events!

The Summit will offer the platform to discuss issues of… pic.twitter.com/J2Hin5UD2i

— BJP (@BJP4India) August 22, 2023

तत्पूर्वी, परराष्ट्र सचिव विनय क्वात्रा यांनी सोमवारी सांगितले की, जोहान्सबर्ग येथे ब्रिक्स (ब्राझील-रशिया-भारत-चीन-दक्षिण आफ्रिका) शिखर परिषदेच्या पार्श्वभूमीवर पंतप्रधान नरेंद्र मोदी यांच्या द्विपक्षीय बैठकांना अंतिम रूप देण्यात आले आहे. मात्र, पंतप्रधान मोदी आणि चीनचे अध्यक्ष शी जिनपिंग यांच्या भेटीच्या शक्यतेवर त्यांनी कोणतेही थेट उत्तर दिले नाही.