वृत्तसंस्था
नवी दिल्ली : भारताचा ग्रँडमास्टर आर. प्रज्ञानंदने स्टॅव्हेंजर येथे खेळल्या जाणाऱ्या नॉर्वे बुद्धिबळ स्पर्धेत मोठा विजय नोंदवला आहे. या स्पर्धेच्या तिसऱ्या फेरीत, आर प्रज्ञानंदने जागतिक क्रमवारीत अव्वल स्थानावर असलेल्या मॅग्नस कार्लसनचा पराभव केला आणि या दिग्गज खेळाडूवर आपला पहिला शास्त्रीय स्वरूपाचा विजय नोंदवला.Pragyananda defeats Carlson in Norway chess tournament; First classical victory over World No.1 Magnus
गतवर्षीच्या फिडे विश्वचषकात उपविजेता ठरलेल्या प्रज्ञानंदने पांढऱ्या मोहऱ्यांसह खेळताना चमकदार कामगिरी केली. तिसऱ्या फेरीअखेर प्रज्ञानंदने 9 पैकी 5.5 गुण मिळवले असून 6 खेळाडूंच्या स्पर्धेत तो पहिल्या क्रमांकावर आहे. तर कार्लसन 3 गुणांसह पाचव्या स्थानावर घसरला आहे.
याआधी, प्रज्ञानंदने वेगवान आणि ब्लिट्झ बुद्धिबळ प्रकारात कार्लसनवर विजय नोंदवला होता.
वडील बँकेत काम करतात, आई गृहिणी
प्रज्ञानंदचा जन्म 10 ऑगस्ट 2005 रोजी चेन्नई येथे झाला. त्याचे वडील स्टेट कॉर्पोरेशन बँकेत काम करतात, तर आई नागलक्ष्मी गृहिणी आहेत. त्याला एक मोठी बहीण आहे, वैशाली आर. वैशालीही बुद्धिबळ खेळते.
वयाच्या 7 व्या वर्षी जागतिक युवा बुद्धिबळ चॅम्पियनशिप जिंकल्यानंतर प्रज्ञानंदचे नाव प्रथम प्रकाशझोतात आले. त्यानंतर त्याला फेडरेशन इंटरनॅशनल डेस ॲथलेटिक्स (FIDE) मास्टर ही पदवी मिळाली.
वयाच्या 12 व्या वर्षी तो ग्रँडमास्टर झाला आणि हे विजेतेपद मिळवणारा तो सर्वात तरुण भारतीय ठरला. या प्रकरणात प्रज्ञानंदने अनुभवी भारतीय बुद्धिबळपटू विश्वनाथन आनंदचा विक्रम मोडला. यापूर्वी 2016 मध्ये त्याने यंगेस्ट इंटरनॅशनल मास्टरचा किताबही पटकावला होता. तेव्हा तो फक्त 10 वर्षांचा होता. बुद्धिबळातील सर्वोच्च श्रेणी असलेल्या खेळाडूंना ग्रँडमास्टर म्हणतात. या खालील श्रेणी आंतरराष्ट्रीय मास्टर आहे.
सर्वात तरुण ग्रँडमास्टर
चेन्नई येथील रहिवासी असलेल्या प्रज्ञानंदने २०१८ मध्ये ग्रँडमास्टरचे प्रतिष्ठित विजेतेपद मिळविले होते. ही कामगिरी करणारा तो भारतातील सर्वात तरुण खेळाडू होता आणि त्यावेळी जगातील दुसरा सर्वात तरुण खेळाडू होता.
वयाच्या 10 व्या वर्षी आंतरराष्ट्रीय मास्टर बनला
प्रज्ञानंद हे तामिळनाडूचा रहिवासी आहे. त्याचा जन्म 10 ऑगस्ट 2005 रोजी चेन्नई येथे झाला. त्याचे वडील रमेशबाबू तामिळनाडू स्टेट कॉर्पोरेशन बँकेत शाखा व्यवस्थापक म्हणून काम करतात, तर आई नागलक्ष्मी गृहिणी आहेत. प्रज्ञानंद 2016 मध्ये वयाच्या 10 व्या वर्षी बुद्धिबळातील सर्वात तरुण आंतरराष्ट्रीय मास्टर बनला.
Pragyananda defeats Carlson in Norway chess tournament; First classical victory over World No.1 Magnus
महत्वाच्या बातम्या
- नाशिकमध्ये गोविंददेव गिरी महाराज यांच्या हस्ते गंगा गोदावरी महाआरती; सुश्राव्य वाणीच्या रामकथेने भाविक मंत्रमुग्ध!!
- नाशिकमध्ये गोविंद देवगिरीजी महाराजांचा आज पहिला रामतीर्थ गोदा राष्ट्रजीवन पुरस्कार प्रदान सोहळा!!
- पॉर्न स्टार खटल्यात सर्व 34 आरोपांमध्ये ट्रम्प दोषी आढळले; 11 जुलै रोजी शिक्षेची सुनावणी
