PM मोदी आज साजरा करणार राष्ट्रीय तंत्रज्ञान दिन, भारतातील पहिल्या LIGO प्रकल्पाची पायाभरणी करणार, हिंगोलीत 225 हेक्टर जमिनीवर उभारणी|PM Modi to celebrate National Technology Day today, lay foundation stone for India's first LIGO project, set up on 225 hectares of land in Maharashtra

PM मोदी आज साजरा करणार राष्ट्रीय तंत्रज्ञान दिन, भारतातील पहिल्या LIGO प्रकल्पाची पायाभरणी करणार, हिंगोलीत 225 हेक्टर जमिनीवर उभारणी

प्रतिनिधी

नवी दिल्ली : पंतप्रधान नरेंद्र मोदी आज सकाळी 10.30 वाजता प्रगती मैदानावर राष्ट्रीय तंत्रज्ञान दिनानिमित्त आयोजित कार्यक्रमात सहभागी होणार आहेत. LIGO इंडियासह अनेक प्रकल्पांचे उद्घाटनही पंतप्रधान करणार आहेत. महाराष्ट्रात बांधले जाणारे LIGO इंडिया हे भारतातील पहिले इंटरफेरोमीटर असेल.PM Modi to celebrate National Technology Day today, lay foundation stone for India’s first LIGO project, set up on 225 hectares of land in Maharashtra

पीएमओने जारी केलेल्या पत्रकात म्हटले आहे की, पंतप्रधान मोदी 5800 कोटी रुपयांपेक्षा जास्त किमतीच्या प्रकल्पांची पायाभरणी करतील. ज्या प्रकल्पांची पायाभरणी केली जाईल त्यात लेझर इंटरफेरोमीटर ग्रॅव्हिटेशनल-वेव्ह ऑब्झर्व्हेटरी-इंडिया (LIGO-India) हिंगोली, होमी भाभा कॅन्सर हॉस्पिटल अँड रिसर्च सेंटर जटनी, ओडिशा आणि टाटा मेमोरियल हॉस्पिटल मुंबईच्या प्लॅटिनम ज्युबिली ब्लॉकचा समावेश आहे.

महत्त्वाची बातमी : आता चार्टर्ड अकाउंटंट आणि कंपनी सेक्रेटरीही PMLA कायद्याच्या कक्षेत; मनी लाँड्रिंगचे ठरू शकतात आरोपी

हिंगोलीत बांधण्यात येणारा LIGO अतिशय खास

LIGO-इंडिया हा सर्वात महत्त्वाचा प्रकल्प हिंगोलीत बांधला जाणार आहे. हे जगातील काही लेझर इंटरफेरोमीटर ग्रॅव्हिटेशनल वेव्ह ऑब्झर्व्हेटरी (LIGO) पैकी एक असेल. हे चार किलोमीटर लांबीचे अत्यंत संवेदनशील इंटरफेरोमीटर आहे, जे कृष्णविवर आणि न्यूट्रॉन ताऱ्यांमधून निघणाऱ्या गुरुत्वाकर्षण लहरी ओळखण्यास सक्षम आहे.

राष्ट्रीय तंत्रज्ञान दिवस दरवर्षी नवीन थीमसह

राष्ट्रीय तंत्रज्ञान दिवस दरवर्षी नवीन आणि वेगळ्या थीमसह साजरा केला जातो. ‘स्कूल ते स्टार्टअप्स – इग्नाइटिंग यंग माइंड्स टू इनोव्हेट’ ही यंदाची थीम आहे. या कार्यक्रमादरम्यान भारतातील अलीकडील वैज्ञानिक आणि तांत्रिक प्रगती दर्शविणाऱ्या एक्स्पोचे उद्घाटनही पंतप्रधान करणार आहेत. यावेळी पंतप्रधान याच्या स्मरणार्थ तिकीट आणि नाणेही जारी करतील.

माजी पंतप्रधान अटलबिहारी यांनी 1999 मध्ये केली सुरुवात

राष्ट्रीय तंत्रज्ञान दिवसाची सुरुवात 1999 मध्ये माजी पंतप्रधान अटलबिहारी वाजपेयी यांनी केली होती. भारतातील शास्त्रज्ञ, अभियंते आणि तंत्रज्ञांचा सन्मान करण्यासाठी अटल बिहारी यांनी हा विशेष दिवस साजरा केला होता. 11 मे ही तारीख निवडण्यात आली, कारण या दिवशी 1998 मध्ये तत्कालीन पंतप्रधान अटल बिहारी यांच्या नेतृत्वाखाली भारताने राजस्थानमधील पोखरण येथे अणुचाचणी केली होती.