Owaisi : वन नेशन, वन इलेक्शन विधेयक मांडताच ओवेसी संतापले अन् म्हणाले…

By, Pravin Wankhade - December 17, 2024 07:00:06

0

प्रादेशिक पक्षांचा अंत होणार असल्याची भविष्यवाणीही केली.

विशेष प्रतिनिधी

नवी दिल्ली : Owaisi वन नेशन वन इलेक्शन विधेयक संसदेत मांडण्यात आले असून त्याला विरोधी पक्षांनी जोरदार विरोध केला आहे. काँग्रेसने हे असंवैधानिक ठरवून सरकारने हे विधेयक तत्काळ मागे घ्यावे, असे म्हटले आहे. हे विधेयक मांडून केंद्र सरकारने देशाच्या आत्म्याला दुखावले आहे, असे काँग्रेसने म्हटले आहे. तर एआयएमआयएमचे खासदार असदुद्दीन ओवेसी यांनी या विधेयकाला विरोध करत हे असंवैधानिक म्हटले आहे. ते म्हणाले, “हे विधेयक अप्रत्यक्षपणे लोकशाहीच्या राष्ट्रपती शैलीची ओळख करून देते. केवळ एका मोठ्या नेत्याचा अहंकार तृप्त करण्यासाठी हे विधेयक आणले जात आहे.”Owaisi

Chhagan Bhujbal Outburst: अजितदादा + प्रफुल्ल पटेल + तटकरेंनी केल्या गेमा; भुजबळ म्हणाले, मी तुमच्या हातातलं खेळणं आहे का??

हैदराबादचे खासदार ओवेसी म्हणाले, “हे विधेयक राजकीय लाभ आणि सोयीसाठी आहे. हे विधेयक प्रादेशिक पक्षांना नष्ट करेल, त्यामुळे मी या विधेयकाला विरोध करतो.” हे विधेयक मांडल्यानंतर केंद्रीय मंत्री अर्जुन राम मेघवाल यांनी लोकसभेचे अध्यक्ष ओम बिर्ला यांना पुढील चर्चेसाठी संसदेच्या संयुक्त समितीकडे (जेपीसी) पाठवण्याची विनंती केली.

शिवसेना (UBT), आम आदमी पार्टी, काँग्रेस आणि समाजवादी पक्ष या विरोधी पक्षांनी सरकारने हे विधेयक तातडीने मागे घेण्याची विनंती केली आणि वन नेशन वन इलेक्शन विधेयक राष्ट्रपतींना निवडणूक योगाला सल्ला देण्यासाठी अवैध अधिकार देते. राज्यसभेतील सभागृह नेते आणि भारतीय जनता पक्ष (भाजप) अध्यक्ष जेपी नड्डा म्हणाले की, मागील काँग्रेस सरकारांनी कलम 356 चा वारंवार गैरवापर केल्याचा इतिहास पाहता सरकारने वन नेशन, वन इलेक्शन विधेयक आणण्याचा निर्णय घेतला आहे.

काँग्रेसवर निशाणा साधत जेपी नड्डा म्हणाले, “आज तुम्ही एक देश, एक निवडणुकीच्या विरोधात उभे आहात. तुमच्यामुळेच एक देश, एक निवडणूक आणायची आहे, कारण 1952 ते 1967 या काळात एकाच वेळी निवडणुका झाल्या. तुम्ही (काँग्रेस) कलम 356 चा वापर करून राज्यांतील निवडून आलेली सरकारे वारंवार पाडलीत आणि असे करून तुम्ही अनेक राज्यांत स्वतंत्र निवडणुकांची परिस्थिती निर्माण केली.