युद्धबंदीच्या पाचव्या दिवशी, हमासने 30 पॅलेस्टिनी नागरिकांच्या सुटकेच्या बदल्यात 12 ओलिसांची केली सुटका

12 ओलिसांमध्ये 10 इस्रायली नागरिक आणि दोन थाई नागरिकांचा समावेश आहे.

विशेष प्रतिनिधी

हमास : इस्रायल आणि हमास यांच्यातील युद्धविरामाच्या पाचव्या दिवशी 12 ओलिसांची सुटका करण्यात आली. इस्रायल संरक्षण दलाने रेड क्रॉसला ओलीस सोडल्याची पुष्टी केली. ओलिसांच्या सुटकेसाठी इस्रायल आणि हमास यांच्यात एक करार झाला आहे. करारानुसार, इस्रायल कैदेत असलेल्या पॅलेस्टिनींची सुटका करेल त्या बदल्यात हमासने इस्रायली ओलीस सोडले.On the fifth day of the ceasefire Hamas released 12 hostages in exchange for the release of 30 Palestinian civilians

इस्रायलचे PM नेतन्याहू गाझामध्ये सैनिकांना भेटले; हमासने तिसऱ्या टप्प्यात एका रशियन नागरिकासह 17 ओलिसांची केली सुटका

कतारच्या परराष्ट्र मंत्रालयाचे प्रवक्ते माजिद अल-अन्सारी यांनी सांगितले की, युद्धबंदीच्या पाचव्या दिवशी इस्रायलने 30 पॅलेस्टिनींना सोडले, त्या बदल्यात हमासने 12 ओलिसांची सुटका केली. ओलिस 52 दिवसांनी त्यांच्या कुटुंबीयांना भेटतील. 12 ओलिसांमध्ये 10 इस्रायली नागरिक आणि दोन थाई नागरिकांचा समावेश आहे.

अन्सारीच्या म्हणण्यानुसार, 10 इस्रायली नागरिकांमध्ये नऊ महिला आणि एक अल्पवयीन आहे. त्याच वेळी, तीन इस्रायली नागरिकांकडे दुहेरी नागरिकत्व आहे, ज्यामध्ये एक फिलीपिन्सच आणि दोघे अर्जेंटिनाचे आहेत.

एक दिवसापूर्वी, इस्रायल आणि हमासमध्ये मध्यस्थीची भूमिका बजावत असलेल्या कतारने सांगितले की, दोघांनीही युद्धविराम वाढवण्यास सहमती दर्शविली आहे. या काळात ओलिसांची सुटका शक्य आहे.