कमलनाथ यांच्या भाजप प्रवेशाच्या चर्चांवर, गुलाम नबींचं मोठं विधान, म्हणाले…

By, Pravin Wankhade - February 18, 2024 07:30:36

0

गुलाम नबी आझाद यांनी काँग्रेस नेतृत्वावर निशाणा साधला आहे.

विशेष प्रतिनिधी

नवी दिल्ली : काँग्रेसचे ज्येष्ठ नेते आणि मध्य प्रदेशचे माजी मुख्यमंत्री कमलनाथ यांच्या भाजपमध्ये प्रवेश करण्याच्या चर्चांदरम्यान, जम्मू आणि काश्मीरचे माजी मुख्यमंत्री आणि डीपीएपी अध्यक्ष गुलाम नबी आझाद यांचे मोठे विधान समोर आले आहे.On Kamal Naths BJP entrys political talks Ghulam Nabis big statement

गुलाम नबी आझाद म्हणतात की ते काँग्रेसच्या नेतृत्वाबद्दल अत्यंत निराश आहेत. ‘वरिष्ठ नेत्यांना पक्ष सोडण्यास भाग पाडले जात आहे. काँग्रेसला आपले अनुभवी नेते गमावण्याची चिंता वाटत नाही. कमलनाथ भाजपामध्ये प्रवेश करणार असल्याची चर्चा सध्या जोरात सुरू आहे. छिंदवाडा येथून नऊ वेळा खासदार राहिलेले आणि सध्या या जागेचे आमदार कमलनाथ दुखावल्याचे सांगण्यात येत आहे.’

‘तुम्ही अपेक्षा करू शकत नाही…’, कमलनाथ काँग्रेस सोडण्याच्या चर्चांवर दिग्विजय सिंह यांचे मोठे विधान

गेल्या वर्षी नोव्हेंबरमध्ये झालेल्या विधानसभा निवडणुकीत काँग्रेसच्या निराशाजनक कामगिरीमुळे त्यांना पक्षाच्या प्रदेशाध्यक्षपदावरून हटवण्यात आले होते. यामुळे ते दिल्लीत तळ ठोकून आहेत. तर या प्रकरणाबाबत मध्य प्रदेशचे माजी मंत्री आणि कमलनाथ यांचे निष्ठावंत दीपक सक्सेना यांनी प्रसारमाध्यमांशी बोलताना सांगितले की, विधानसभेतील पराभवानंतर कमलनाथ यांना प्रदेशाध्यक्षपदावरून हटवण्यात आल्याने त्यांना खूप दु:ख झाले आहे.

तसेच ते म्हणाले, ‘नेत्याला पूर्ण सन्मान मिळावा, अशी आमची इच्छा आहे. ते जे काही निर्णय घेतील, आम्ही त्यांच्यासोबत असू. आणखी एक राज्यमंत्री विक्रम वर्मा यांनी त्यांच्या सोशल मीडिया प्रोफाइलवर ‘जय श्री राम’ असे लिहिले आहे. शनिवारी प्रसारमाध्यमांशी संवाद साधताना माजी खासदार वर्मा म्हणाले की, मी कमलनाथ यांना पाठिंबा देणार आहे.