नितीश कुमार यांनी स्वत:च्याच पक्षाच्यान नेत्याचा केला निषेध, म्हणाले पंतप्रधानपदात रस नाही|Nitish Kumar protested against his own party leader, saying he was not interested in becoming the Prime Minister

नितीश कुमार यांनी स्वत;च्याच पक्षाच्यान नेत्याचा केला निषेध, म्हणाले पंतप्रधानपदात रस नाही

विशेष प्रतिनिधी

नवी दिल्ली : देशात २०१९ च्या निवडणुकांपूर्वी बिहारचे मुख्यमंत्री नितीश कुमार यांना पंतप्रधानपदाचे उमेदवार म्हणून उभे करण्याचा प्रयत्न होत होता. मात्र, जनता दलाचे नेते उपेंद्र कुशवाहा यांनी पंतप्रधान नरेंद्र मोदी यांच्याबरोबरच नितीश कुमार यांच्यातहीपंतप्रधा बनण्याची क्षमता आहे असे म्हटल्यावर त्याचा नितीश कुमार यांनी निषेध केला. आपल्याला या गोष्टींमध्ये रस नसल्याचे त्यांनी म्हटले आहे.Nitish Kumar protested against his own party leader, saying he was not interested in becoming the Prime Minister

कुशवाह यांनी म्हटले होते की, लोकांनी नरेंद्र मोदींना पंतप्रधान केले आणि आज ते चांगले काम करत आहेत. पण देशात इतरही नेते आहेत ज्यांच्याकडे पंतप्रधान होण्याची क्षमता आहे. नितीश कुमार हे अशा नेत्यांपैकी एक आहेत.

नितीश कुमार पेगाससच्या मुद्द्यावर म्हणाले : संसदेत चर्चा आणि चौकशी झाली पाहिजे, सत्य बाहेर आले पाहिजे !

नितीशकुमार यांच्याकडे पंतप्रधान होण्याची सर्व क्षमता आहे आणि त्याबद्दल शंका नाही. त्याला पीएम-मटेरियल म्हटले पाहिजे. हे पंतप्रधान मोदींना आव्हान देण्याविषयी नाही असेही कुशवाहा यांनी म्हटले होते.

कुशवाहा यांच्या या वक्तव्यानंतर विरोधकांनी भाजप आणि जनता दल (संयुक्त) यांच्यात वाद निर्माण झाल्याची चर्चा सुरू केली होती. मात्र, स्वत: नितीश कुमार यांनीच त्याला उत्तर दिले आहे. ते म्हणाले, असे काहीही नाही. पंतप्रधानपदाचे मटेरियल मीच का असावे? मला या सर्व गोष्टींमध्ये रस नाही.

बिहारचे मंत्री आणि भाजप नेते सम्राट चौधरी म्हणाले की, जनता दलाने गेल्या विधानसभा निवडणुकीत फक्त ४३ जागा जिंकल्या होत्या. तरीही भाजपाने नितीश कुमार यांना मुख्यमंत्री म्हणून स्वीकारले. बिहारमध्ये भाजप-जदयू युती सरकार चालवणे आव्हानात्मक आह. भाजपाला अनेक गोष्टी सहन कराव्या लागत आहेत.