एनआयएचे ISIS शी संबंधित 7 जणांविरुद्ध आरोपपत्र; आरोपी दहशतवादी प्रशिक्षण शिबिरात गेले, IED देखील पेरले|NIA's charge sheet against 7 people associated with ISIS; Accused went to terrorist training camp, also planted IED

एनआयएचे ISIS शी संबंधित 7 जणांविरुद्ध आरोपपत्र; आरोपी दहशतवादी प्रशिक्षण शिबिरात गेले, IED देखील पेरले

वृत्तसंस्था

पुणे : राष्ट्रीय तपास संस्थेने (एनआयए) 7 जणांविरुद्ध आरोपपत्र दाखल केले आहे. हे सर्व इस्लामिक स्टेट (ISIS) शी संबंधित होते. ते दहशतवादी प्रशिक्षण शिबिरात गेले होते, असा त्यांच्यावर आरोप आहे. त्यांनी इम्प्रोव्हाइज्ड एक्सप्लोझिव्ह डिव्हाईस (आयईडी) देखील पेरले होते.NIA’s charge sheet against 7 people associated with ISIS; Accused went to terrorist training camp, also planted IED

एनआयएच्या म्हणण्यानुसार, हे सर्व लोक दहशतवादी कारवायांसाठी निधी गोळा करायचे आणि ते वॉन्टेड दहशतवादी होते. या सात आरोपींपैकी दोन मध्य प्रदेशातील तर पाच महाराष्ट्रातील आहेत. मोहम्मद इम्रान, मोहम्मद याकूब साकी, अब्दुल कादीर, नसीरुद्दीन काझी, झुल्फिकार अली, शमिल साकिब नाचन आणि अकिफ अतिक नाचन अशी त्यांची नावे आहेत.

UP-MPसह 6 राज्यांत एनआयएचे छापे; पीएफआयच्या 12 ठिकाणांवर शोधाशोध सुरू

काय आहे पुणे ISIS मॉड्यूल प्रकरण?

या वर्षी 18 जुलै रोजी पुणे पोलिसांनी शाहनवाज आणि मध्य प्रदेशातील दोन जणांना – मोहम्मद इम्रान खान आणि मोहम्मद साकी यांना पुण्यातील दुचाकी चोरी प्रकरणी अटक केली होती. पोलीस त्यांना त्यांच्या लपून बसलेल्या ठिकाणी चौकशीसाठी घेऊन जात असताना शाहनवाजने पोलिसांच्या गाडीतून उडी मारून पलायन केले.

मोहम्मद इम्रान खान आणि मोहम्मद साकी यांच्या चौकशीदरम्यान हे दोघेही सुफा दहशतवादी टोळीचे सदस्य असल्याची माहिती पोलिसांना मिळाली. एप्रिल 2022 मध्ये राजस्थानमध्ये एका कारमध्ये स्फोटके सापडल्याप्रकरणी तेथील पोलीस त्याचा शोध घेत आहेत.

त्यानंतर पोलिसांनी या प्रकरणाला पुणे ISIS मॉड्यूल केस असे नाव दिले. या प्रकरणात पोलिसांनी आणखी तीन दहशतवाद्यांना मोस्ट वाँटेड यादीत ठेवले होते. पुण्याचा तल्हा लियाकत खान आणि दिल्लीचा रिझवान अब्दुल हाजी अली आणि अब्दुल्ला फैयाज शेख अशी त्यांची नावे आहेत.

दिल्ली पोलिसांनी 2 ऑक्टोबर रोजी दहशतवादी शाहनवाजला पकडले

स्पेशल सीपी हरगोविंद सिंग धालीवाल यांनी सांगितले की, शाहनवाजला 2 ऑक्टोबरला सकाळी जैतपूर येथून पकडण्यात आले. त्याच्याकडून आयईडी बनवण्यासाठी वापरले जाणारे रासायनिक पदार्थ आणि साहित्य सापडले. शाहनवाजची पत्नी सुरुवातीला हिंदू होती. तिने इस्लाम धर्म स्वीकारला आणि तिचे नाव बदलून मरियम असे ठेवले. तीही नवऱ्याला साथ देत होती. सध्या शाहनवाजची पत्नी आणि बहीण दोघीही भूमिगत आहेत. त्यांचा शोध सुरू आहे.