Narasimha Rao : नरसिंह रावांचे गृहराज्य तेलंगणात, राजीव गांधींच्या पुतळ्याचे अनावरण हिंदू धार्मिक विधी विधानात!!

By, Pravin Pawar - September 16, 2024 08:10:42

0

विशेष प्रतिनिधी

हैदराबाद : माजी पंतप्रधान पी. व्ही. नरसिंह राव ( Narasimha Rao) यांचे गृहराज्य तेलंगणात राजीव गांधींच्या पुतळ्याचे अनावरण संपूर्ण हिंदू धार्मिक विधी विधानात!!, असे आज घडले.

तेलंगणात ज्यावेळी भारत राष्ट्र समिती पक्षाचे के. चंद्रशेखर राव यांचे सरकार होते, त्यावेळी त्या सरकारने “तेलुगु बिड्डा” म्हणजे “तेलुगु पुत्र” पी. व्ही. नरसिंह राव यांची जन्मशताब्दी जोरात साजरी करून नरसिंह राव यांचा आर्थिक सुधारणांचा राजकीय वारसा संपूर्ण जगासमोर आणला होता. नरसिंह राव काँग्रेसचे पंतप्रधान होते म्हणून त्यांच्याकडे दुर्लक्ष करण्याची चंद्रशेखर राव यांची प्रवृत्ती नव्हती.

NMC portal : प्रत्येक डॉक्टरला युनिक आयडी, NMC पोर्टलवर नोंदणी अनिवार्य, देशात किती डॉक्टर्स आणि कोणती पदवी हे कळेल

आज त्याच तेलंगणात काँग्रेसचे सरकार आल्यानंतर तिथले मुख्यमंत्री रेवंत रेड्डी यांनी हैदराबाद मध्ये राजीव गांधींच्या पुतळ्याचे अनावरण केले. यावेळी त्यांनी पुरोहितांना बोलवून संपूर्ण हिंदू धार्मिक विधी करून राजीव गांधींच्या पुतळ्याची आरती आणि पूजाअर्चा केली.

#WATCH | Hyderabad: Telangana CM Revanth Reddy unveiled the statue of former Prime Minister Rajiv Gandhi

(Source: Telangana I&PR) pic.twitter.com/fjUUCJ6giO

— ANI (@ANI) September 16, 2024

एरवी गांधी परिवारातले सदस्य फारसे हिंदू धार्मिक विधी विधानांमध्ये आस्था दाखवत नाहीत. परंतु कुठल्याही निवडणुका जवळ आल्या की “टेम्पल रन” सारखे विषय पुढे आणून गांधी परिवार सॉफ्ट हिंदुत्वाची लाईन पकडतो. याचेच अनुकरण मुख्यमंत्री रेवंत रेड्डी यांनी करून राजीव गांधींच्या पुतळा अनावरणात हिंदू धार्मिक विधी विधान पार पाडले.