Mumbai : मुंबईत पुन्हा दहशत माजवण्याचा कट! दहशतवादी हल्ल्याच्या अलर्टनंतर पोलीस सतर्क

By, Pravin Pawar - September 28, 2024 04:00:42

0

Mumbai गर्दीच्या ठिकाणी आणि धार्मिक स्थळांवर ‘मॉक ड्रील’ घेण्याच्या सूचना पोलिसांना देण्यात आल्या आहेत

विशेष प्रतिनिधी

मुंबई : Mumbai मुंबईत पुन्हा एकदा दहशतवादी हल्ल्याचा अलर्ट जारी करण्यात आला आहे, अशी माहिती गुप्तचर यंत्रणेने दिली आहे की, दहशतवादी पुन्हा एकदा देशाची आर्थिक राजधानी मुंबईत दहशत माजवण्याचा कट रचत आहेत. दहशतवाद्यांच्या धोक्याचा इशारा पाहता सुरक्षा व्यवस्था कडक करण्यात आली आहे. संभाव्य दहशतवादी हल्ल्याच्या धोक्यासंदर्भातील इनपुट सुरक्षा एजन्सींना सामायिक केले गेले आहेत. त्यानंतर मुंबईत पोलिसांचा कडक बंदोबस्त वाढला आहे. ठिकठिकाणी पोलीस तैनात करण्यात आले असून प्रत्येक कोपऱ्यात कडेकोट बंदोबस्त ठेवण्यात आला आहे. Mumbai

Rhea Barde : द फोकस एक्सप्लेनर : बन्ना शेख कशी झाली रिया बर्डे? भारतात अश्लील चित्रपट बनवले… अटकेतील बांगलादेशी पॉर्न स्टारची संपूर्ण कहाणी

मुंबईत प्रत्येक कोपऱ्यात पोलिसांचा पहारा

पोलीस सूत्रांनी दिलेल्या माहितीनुसार, सुरक्षा एजन्सीच्या सतर्कतेनंतर मुंबईतील अनेक धार्मिक स्थळे आणि इतर गर्दीच्या ठिकाणी कडक सुरक्षा व्यवस्था ठेवण्यात आली आहे. गर्दीच्या ठिकाणी आणि धार्मिक स्थळांवर ‘मॉक ड्रील’ घेण्याच्या सूचना पोलिसांना देण्यात आल्या आहेत. शहरातील सर्व डीसीपींनाही आपापल्या झोनमधील सुरक्षा व्यवस्थेकडे विशेष लक्ष देण्यास सांगण्यात आले आहे. Mumbai

एका अधिकाऱ्याने सांगितले की, शुक्रवारी पोलिसांनी क्रॉफर्ड मार्केट परिसरात मॉक ड्रिल केले होते. याच भागात प्रचंड गर्दी असते. येथे दोन प्रमुख धार्मिक स्थळेही आहेत. सुरक्षा कवायतीबाबत पोलिसांनी अधिकृतपणे सांगितले की, सुरक्षितता लक्षात घेऊन ही एक कसरत होती.Mumbai