शस्त्रे लुटण्यासाठी मणिपूर रायफल्सच्या कॅम्पवर जमावाचा हल्ला; सुरक्षा दलांनी हवेत गोळीबार करून हुसकावले|mob attack on Manipur Rifles camp to loot weapons; The security forces fired in the air and drove them away

शस्त्रे लुटण्यासाठी मणिपूर रायफल्सच्या कॅम्पवर जमावाचा हल्ला; सुरक्षा दलांनी हवेत गोळीबार करून हुसकावले

वृत्तसंस्था

इंफाळ : बुधवारी रात्री उशिरा मणिपूरमधील इंफाळ येथील मणिपूर रायफल्सच्या कॅम्पवर जमावाने हल्ला केला. मणिपूर रायफल्सचा शस्त्रसाठा लुटणे हा जमावाचा उद्देश होता. मात्र, सुरक्षा जवानांनी हवेत अनेक राउंड गोळीबार करून जमावाला पांगवले.mob attack on Manipur Rifles camp to loot weapons; The security forces fired in the air and drove them away

यावेळी काही जण जखमी झाले. या घटनेनंतर इंफाळमध्ये कर्फ्यू लागू करण्यात आला आहे. त्याच वेळी आदिवासी विद्यार्थी संघटनेने तेंगनौपाल जिल्ह्यातील मोरेह शहरात अतिरिक्त पोलीस कमांडो तैनात केल्याच्या निषेधार्थ बुधवारी रात्री उशिरापासून 48 तासांच्या बंदची घोषणा केली आहे.

मणिपूरच्या इंफाळमध्ये गोळीबार, संचारबंदी लागू; पोलिस अधिकारी हत्याप्रकरणी 44 जण ताब्यात, यात 32 म्यानमारचे

वृत्तसंस्था पीटीआयने दिलेल्या माहितीनुसार, जमावाने इंफाळ पश्चिम जिल्ह्यातील राजभवन आणि मुख्यमंत्री कार्यालयाजवळ असलेल्या मणिपूर रायफल्स कॅम्पला लक्ष्य केले. मोरे येथे एका पोलीस अधिकाऱ्याच्या हत्येमुळे जमाव संतप्त झाला होता आणि त्याचा निषेध करण्यासाठी शस्त्रांची मागणी करत होता.

पोलिसांनी बुधवारी 44 जणांना ताब्यात घेतले

मणिपूर पोलिसांनी बुधवारी दुपारी 44 जणांना ताब्यात घेतले. रिपोर्ट्सनुसार, यापैकी 32 लोक म्यानमारचे नागरिक आहेत. त्यांच्यावर एका दिवसापूर्वी तेंगनौपाल जिल्ह्यातील मोरेह भागात एका पोलीस अधिकाऱ्याची हत्या आणि पोलीस कमांडो टीमवर हल्ला केल्याचा आरोप आहे.

वास्तविक, मंगळवारी मणिपूरमध्ये सुरक्षा दलांवर गोळीबाराच्या दोन घटना घडल्या. पहिले प्रकरण तेंगनौपाल जिल्ह्यातील मोरेह भागातील आहे, ज्यात चिंगथम आनंद कुमार या पोलीस अधिकाऱ्याला आपला जीव गमवावा लागला. या घटनेनंतर पोलीस अधिकाऱ्याच्या मृत्यूनंतर परिसरात तैनात करण्यात आलेल्या पोलीस पथकावर हल्ला झाला होता. या हल्ल्यात तीन पोलीस जखमी झाले.

या दोन घटनांनंतर सुरक्षा दलांनी परिसरात शोधमोहीम राबवून संशयितांना चौकशीसाठी ताब्यात घेतले. मणिपूरमध्ये आरक्षणावरून 3 मे रोजी कुकी आणि मैतेई समुदायांमध्ये हिंसाचार सुरू झाला. हिंसाचाराच्या घटनांमध्ये आतापर्यंत 180 हून अधिक लोकांचा मृत्यू झाला आहे. तर 1100 हून अधिक लोक जखमी झाले आहेत.

मणिपूरचे मुख्यमंत्री एन. बिरेन सिंग यांनी गुरुवारी सकाळी इंफाळ शहरातील पहिली बटालियन मणिपूर रायफल्स ग्राउंडवर पोलीस अधिकाऱ्याला श्रद्धांजली वाहिली. ते म्हणाले- आनंद एक धाडसी आणि देशभक्त अधिकारी होता. प्रत्येक भारतीयाला त्याचा अभिमान वाटला पाहिजे.

ते म्हणाले- लवकरच सर्व गुन्हेगार पकडले जातील. ते पकडले जाईपर्यंत पोलीस कमांडो, आयआरबी, आर्मी आणि आसाम रायफल्स सतत कोम्बिंग ऑपरेशन राबवतील.