ममता बॅनर्जी पश्चिम बंगालमध्ये माध्यम स्वातंत्र्यावर गदा आणत आहेत – अनुराग ठाकूर


महिला मुख्यमंत्र्यांची सत्ता असलेले राज्य संदेशखळीतील महिलांच्या दुर्दशेकडे डोळेझाक करत आहे, असंही ठाकूर म्हणाले आहेत.


विशेष प्रतिनिधी

नवी दिल्ली: संदेशखळी येथील हिंसाचाराचे ‘वार्तांकन’ करणाऱ्या एका दूरचित्रवाणी पत्रकाराला पोलिसांनी ताब्यात घेतल्यानंतर माहिती आणि प्रसारण मंत्री अनुराग ठाकूर यांनी सोमवारी पश्चिम बंगालच्या ममता बॅनर्जी यांच्या नेतृत्वाखालील सरकारचा निषेध केला.Mamata Banerjee is restricting media freedom in West Bengal Anurag Thakur

ठाकूर म्हणाले, “महिलांशी गैरवर्तन करणाऱ्या गुंडांवर कारवाई करण्याऐवजी पश्चिम बंगाल सरकार माध्यमांवर अंकुश ठेवत आहे आणि वृत्तपत्र स्वातंत्र्य संपवण्याचा प्रयत्न करत आहे. हे अत्यंत दुर्दैवी आहे.”



‘रिपब्लिक बांगला’ या दूरचित्रवाणी वाहिनीचा वार्ताहर संदेशखळी येथील घडामोडींचे वृत्त देत असताना बंगाल पोलिसांनी त्याला ताब्यात घेतले. ठाकूर म्हणाले की, महिला मुख्यमंत्र्यांची सत्ता असलेले राज्य संदेशखळीतील महिलांच्या दुर्दशेकडे डोळेझाक करत आहे. उत्तर 24 परगणा जिल्ह्यातील संदेशखळीमध्ये तृणमूल काँग्रेसचे नेते शाहजहान शेख आणि त्यांच्या समर्थकांवर जमीन बळकावल्याचा आणि लैंगिक छळाचा आरोप करणाऱ्या महिलांनी मोठ्या प्रमाणात तणाव निर्माण केला आहे.

दरम्यान, बंगालचे राज्यपाल सीव्ही आनंद बोस यांनी राजकीय पक्ष आणि विविध पार्श्वभूमीतील लोकांना एकत्र येण्याचे आवाहन केले आणि पीडित महिलांशी एकता दाखवण्यासाठी संदेशखळी येथे ‘शांती यात्रा’ काढली. ते म्हणाले, “संदेशखळीतील ‘शांती यात्रे’मध्ये कायद्याचे पालन करणारे नागरिक, नागरी समाजाचे नेते आणि सर्व राजकीय पक्षांना मी एकजूट होण्याचे आवाहन करतो. जिथे अविश्वास, संशय आणि अराजकता दिसत असेल तिथे रस्त्यावर उतरा.”

Mamata Banerjee is restricting media freedom in West Bengal Anurag Thakur

महत्वाच्या बातम्या

Array

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात