Mahavikas Aghadi : लाडकी बहीण योजनेविरोधात काँग्रेसचे नेते कोर्टात; पण महाविकास आघाडी सरकार महिलांना 3000 रुपये देणार!!

By, Pravin Pawar - November 6, 2024 09:15:23

0

विशेष प्रतिनिधी

मुंबई : महाराष्ट्रातल्या महायुतीच्या शिंदे – फडणवीस सरकारने सुरू केलेल्या मुख्यमंत्री लाडकी बहीण योजने विरोधात काँग्रेसचेच नेते कोर्टात गेले. लाडकी बहीण योजनेच्या खर्चामुळे बाकीच्या योजनांना कात्री लावली महाराष्ट्रावर कर्जाचा बोजा टाकला म्हणून ती योजना रद्द करण्याची मागणी काँग्रेस नेत्यांनी केली, पण महाविकास आघाडीचे सरकार आल्यानंतर मात्र आम्ही महिलांना दरमहा 3000 रुपये देऊ, अशी घोषणा राहुल गांधींनी मुंबईतल्या बीकेसी मध्ये केली. Congress leaders in court against Ladaki Bahin Yojana

महाविकास आघाडीची मुंबईतील बीकेसी येथे पहिली प्रचारसभा झाली. या सभेत उद्धव ठाकरे आणि शरद पवारांसह राहुल गांधी हे देखील उपस्थित राहिले. यावेळी महाविकास आघाडीने 5 मोठी आश्वासने दिली. आगामी काळात जनतेने महाविकास आघाडीला सर्वाधिक मतदान करुन सरकार स्थापन करुन दिलं तर महाविकास आघाडीचं सरकार राज्यात या 5 योजना जाहीर करणार आहे. यातील पहिलं आश्वासन हे महालक्ष्मी योजनेचं आहे. या योजनेच्या माध्यमातून महाविकास आघाडी सरकार राज्यातील महिलांना दर महिन्याला प्रत्येकी 3000 रुपये आणि बसप्रवास मोफत करणार आहे. विशेष म्हणजे दुसरी घोषणा देखील तेवढीच मोठी आहे. राज्य सरकार प्रत्येक कुटुंबाला 25 लाख रुपयांपर्यंतचा आरोग्य विमा देणार आहे तसेच मोफत औषधे देखील देणार आहे. या योजनेचं नाव कटुंब रक्षा योजना असं देण्यात आलं आहे.

#WATCH | Mumbai: Lok Sabha LoP and Congress MP Rahul Gandhi says "…Our first guarantee is to transfer Rs 3000 per month to the bank accounts of women directly and to provide free bus travel for women and girls in Maharashtra." pic.twitter.com/bskx4JlkaE

— ANI (@ANI) November 6, 2024

महाविकास आघाडीच्या मोठ्या घोषणा

महाविकास आघाडीकडून राज्याच्या जनतेला तिसरी जी गॅरंटी देण्यात आली ती समानतेची हमी अशी देण्यात आली आहे. या माध्यामतून महाविकास आघाडी आपलं सरकार आल्यास राज्यात जातनिहाय जनगणना करणार आहे. तसेच राज्यातील 50 % आरक्षण हटवण्यासाठी प्रयत्न करणार असल्याचं मविआने आश्वासन दिलं आहे.

शेतकऱ्यांसाठी देखील महाविकास आघाडीने मोठं आश्वासन दिलं आहे. महाविकास आघाडीचं सरकार राज्यात आलं तर सर्व शेतकऱ्यांना 3 लाखांपर्यंतची कर्जमाफी देऊ, असं मविआने जाहीर केलं आहे. तसेच शेतकऱ्यांना नियमित कर्जफेडीसाठी 50 हजार रुपये प्रोत्साहन म्हणून दिले जातील, असंही मोठं आश्वासन देण्यात आलं आहे.

विशेष म्हणजे महाविकास आघाडीने यावेळी बेरोजगार तरुणांसाठी देखील मोठी घोषणा केली आहे. राज्यातील बेरोजगार तरुणांना महाविकास आघाडीचं सरकार आल्यास दर महिन्याला 4000 रुपयांपर्यंतची आर्थिक मदत केली जाईल, असे आश्वासनही महाविकास आघाडीने दिले