इंदूर : रामनवमी उत्सव सुरू असताना भीषण दुर्घटना; मंदिरातील विहिरीचं छत कोसळल्याने २५ भाविक अडकल्याची भीतीMadhya Pradesh Many feared being trapped after a stepwell at a temple collapsed in Patel Nagar area in Indore

इंदूर : रामनवमी उत्सव सुरू असताना भीषण दुर्घटना; मंदिरातील विहिरीचं छत कोसळल्याने २५ भाविक अडकल्याची भीती

बचावकार्य युद्धपातळीवर सुरू; मुख्यमंत्री शिवराज सिंह चौहान यांनी घेतली या घटनेची दखल

विशेष प्रतिनिधी

इंदूर : मध्य प्रदेशातील इंदूरमध्ये रामनवमीच्या मुहूर्तावर मोठी दुर्घटना घडली. शहरातील स्नेह नगरजवळील पटेल नगरमध्ये श्री बेलेश्वर महादेव झुलेलाल मंदिरात विहिरीचे छत कोसळल्याने २५ हून अधिक भाविक त्यात पडले आहेत. या दुर्घटनेनंतर मंदिरात एकच गोंधळ उडाला आणि त्यानंतर बचावकार्य सुरू झाले. Madhya Pradesh Many feared being trapped after a stepwell at a temple collapsed in Patel Nagar area in Indore

VIDEO : अरे गधड्या तुझी लायकी आहे का सावरकरांबद्दल बोलायची? – राज ठाकरेंचा राहुल गांधींवर घणाघात!

घटनास्थळी उपस्थित नागरिक पायरीत पडलेल्या लोकांना वाचवण्याचा प्रयत्न करत आहेत. अधिकाऱ्यांनी सांगितले की, पटेल नगरच्या मंदिरात झालेल्या दुर्घटनेनंतर मदत आणि बचाव कार्य सुरू करण्यात आले आहे. मुख्यमंत्री शिवराज सिंह चौहान यांनी या घटनेची दखल घेतली आहे. इंदूरचे जिल्हाधिकारी आणि आयुक्तांशी फोनवर बोलून बचावकार्याला गती देण्याच्या सूचना त्यांनी दिल्या आहेत. मुख्यमंत्री म्हणाले की, आम्ही सर्वजण पूर्ण ताकदीने बचाव कार्यात गुंतलो आहोत. १० जणांना बाहेर काढण्यात आले असून ९ जण आत सुरक्षित आहेत. यात कोणतीही जीवितहानी झाल्याची माहिती नाही. मला खात्री आहे की आम्ही सर्वांना सुरक्षितपणे बाहेर काढू शकू.

#UPDATE इंदौर के झूलेलाल मंदिर से करीब 8 लोगों को निकालकर अस्पताल पहुंचाया गया है। पुलिस, ज़िला प्रशासन व SDRF सहित प्रशासन मौके पर मौजूद है। कई एंबुलेंस भी तैनात की गईं हैं: CMO

— ANI_HindiNews (@AHindinews) March 30, 2023

एका प्रत्यक्षदर्शीने सांगितले की, धार्मिक कार्यक्रमादरम्यान मंदिरातील प्राचीन पायरीच्या छतावर भाविकांची मोठी गर्दी जमली होती आणि छत अधिक लोकांचा भार सहन करू शकले नाही आणि ते कोसळले.