लोक जनशक्ती पार्टी (रामविलास) पक्षाने उमेदवारी यादी केली जाहीर|Lok Janshakti Party Ram Vilas partys candidature list announced

लोक जनशक्ती पार्टी (रामविलास) पक्षाने उमेदवारी यादी केली जाहीर

चिराग पासवान हाजीपूरमधून निवडणूक लढवणार

विशेष प्रतिनिधी

नवी दिल्ली : राष्ट्रीय लोकशाही आघाडीचा सहयोगी लोक जनशक्ती पार्टी (रामविलास) ने लोकसभा निवडणुकीसाठी पाच जागांसाठी आपल्या उमेदवारांची नावे जाहीर केली आहेत. यामध्ये पक्षाचे प्रमुख चिराग पासवान हाजीपूरमधून निवडणूक लढवणार आहेत. मंत्री अशोक चौधरी यांची मुलगी आणि महावीर ट्रस्ट बोर्डाचे सचिव आचार्य किशोर कुणाल यांची सून शांभवी चौधरी यांना समस्तीपूर लोकसभेतून उमेदवारी देण्यात आली आहे. चिराग पासवान यांचे चुलत भाऊ राजकुमार राज या जागेवरून खासदार आहेत.Lok Janshakti Party Ram Vilas partys candidature list announced

बिहार: गया येथे भरदिवसा ‘लोक जनशक्ती पार्टी’च्या नेत्याची सलूनमध्ये गोळ्या झाडून हत्या!

अरुण भारती हे जमुई लोकसभा मतदारसंघातून सर्वाधिक चर्चेत असलेले उमेदवार बनले आहेत. मात्र, चिराग पासवान यांनी त्यांना आधीच चिन्ह दिले होते. अरुण भारती हे चिराग पासवान यांचे मेहुणे आहेत. दोन दिवसांपूर्वी अरुण भारती यांनी जमुई लोकसभा मतदारसंघातून उमेदवारी अर्ज दाखल केला होता.

चिराग पासवान यांनी पुन्हा एकदा वीणा देवींवर विश्वास व्यक्त केला असून त्यांना वैशाली लोकसभा मतदारसंघातून उमेदवारी दिली आहे. त्याचवेळी एलजेपी (रामविलास) ने खगरियामधून राजेश वर्मा यांना तिकीट दिले आहे, त्यामुळे मेहबूब अली कैसर यांचे पत्ता साफ झाला आहे.