Jannayak Janata Party : जननायक जनता पार्टीच्या नेत्याची गोळ्या घालून हत्या

By, Pravin Wankhade - March 22, 2025 07:00:47

0

आणखी दोघांनाही गोळ्या लागल्या असून ते गंभीर जखमी आहेत.

विशेष प्रतिनिधी

पानिपत : Jannayak Janata Party हरियाणातील पानिपत येथे गेल्या शुक्रवारी जेजेपी नेते रविंदर मिन्ना यांची गोळ्या घालून हत्या करण्यात आली. आरोपीने त्याच्या परवानाधारक पिस्तूलने हा गुन्हा केला. ही घटना पानिपतमधील विकास नगरमधील गल्ली क्रमांक दोनमध्ये घडली. या घटनेत जेजेपी नेत्यासह आणखी दोघांनाही गोळ्या लागल्या असून ते गंभीर जखमी असल्याचे सांगितले जात आहे.Jannayak Janata Party

शुक्रवारी संध्याकाळी उशीरा पानिपतमध्ये जननायक जनता पक्षाचे (जेजेपी) नेते रविंदर मिन्ना यांची गोळ्या घालून हत्या करण्यात आली, असे पोलिसांनी सांगितले. जेजेपी नेत्याव्यतिरिक्त, हल्लेखोराने त्याच्या चुलत भावावर आणि आणखी एका व्यक्तीवरही गोळीबार केला. दोघेही जखमी झाले, तर जेजेपी नेत्याचा मृत्यू झाला. आरोपींना पकडण्यासाठी ५ पथके तयार करण्यात आली आहेत.

Rohit Pawar राष्ट्रवादी काँग्रेसचे आमदार निवडून आले दहा; पण आजोबा कसे आणि किती लढले, नातवाने सांगितले पाहा!!

एसपी लोकेंद्र सिंह यांनी सांगितले की, घटनेनंतर आरोपी घटनास्थळावरून पळून गेला. आम्ही अधिक तपास करत आहोत. आरोपी लवकरच पकडले जातील. सीआयएचे पथक आरोपींना अटक करण्यात व्यस्त आहेत. सीसीटीव्ही फुटेज देखील तपासले जात आहे. आरोपींना अटक करण्यासाठी एसपींनी सीआयए पथके तयार केली आहेत.

रविंदर यांच्या कपाळावर व छातीवर गोळी लागली आणि त्यांचा जागीच मृत्यू झाला. तर त्यांचे दोन्ही मित्र गंभीर जखमी झाले. दोघांनाही रुग्णालयात आणण्यात आले आहे. येथे त्याच्यावर उपचार सुरू आहेत. या घटनेनंतर संपूर्ण शहरात घबराटीचे वातावरण निर्माण झाले.