James Marape Profile : कोण आहेत PM जेम्स मारापे? ज्यांनी PM मोदींना चरणस्पर्श केला, मोदींसाठी बदलली स्वागताची परंपरा

By, Pravin Pawar - May 22, 2023 11:30:55

0

विशेष प्रतिनिधी

पापुआ न्यू गिनी : पंतप्रधान नरेंद्र मोदी जी-7 परिषदेत सहभागी होण्यासाठी जपानला गेले आहेत. परिषदेनंतर रविवारी संध्याकाळी पापुआ न्यू गिनी येथे पोहोचले, तेव्हा वेगळेच धक्कादायक चित्र पाहायला मिळाले. वास्तविक, पंतप्रधान मोदी विमानतळावर पोहोचताच पंतप्रधान जेम्स मरापे यांनी त्यांच्या चरणांना स्पर्श करून स्वागत केले. एवढेच नाही तर विमानतळावरच पंतप्रधानांना गार्ड ऑफ ऑनर देण्यात आला. चला जाणून घेऊया कोण आहे जेम्स मारापे, ज्यांनी भारतीय पंतप्रधानांच्या स्वागतासाठी परंपरा बदलली.James Marape Profile Who is PM James Marape? Those who touched PM Modi’s feet, changed the welcome tradition for Modi

सर्वप्रथम मारापे यांनी बदललेल्या परंपरेची माहिती घेऊ. खरं तर, पापुआ न्यू गिनीमध्ये असा नियम आहे की, सूर्यास्तानंतर आलेल्या कोणत्याही नेत्याचे औपचारिक स्वागत केले जात नाही, परंतु पंतप्रधान मोदी आल्यावर त्यांचे भव्य स्वागत करण्यात आले. पंतप्रधान मोदी हे पहिले व्यक्ती आहेत, ज्यांच्यासाठी या देशाने आपली जुनी परंपरा मोडली आहे.

मोदींना घेरण्यासाठी काँग्रेस आक्रमक, पण महाविकास आघाडीत जादा जागांच्या वादाची ठिणगी टाकून!!

आता जाणून घ्या जेम्स मारापे यांच्याबद्दल

पीएम जेम्स मारापे यांचा जन्म हेला प्रांतातील तारी येथे 1971 मध्ये झाला.
त्यांनी पीएनजी हायलँड्समधील मिंज प्रायमरी स्कूल आणि काबिउफा अॅडव्हेंटिस्ट सेकंडरी स्कूलमध्ये शिक्षण घेतले.
यानंतर, 1993 मध्ये त्यांनी पापुआ न्यू गिनी विद्यापीठातून कला शाखेची पदवी प्राप्त केली.
एवढेच नाही तर जेम्स मारापे यांनी 2000 साली पर्यावरण शास्त्रात पदव्युत्तर पदवी घेतली.
ते पहिल्यापासून शिक्षणाप्रति गंभीर होते. पदव्युत्तर शिक्षणानंतर त्यांनी बिझनेस अॅडमिनिस्ट्रेशनमध्ये पदव्युत्तर शिक्षण घेतले.
त्याचबरोबर शिक्षणासोबतच ते नोकरीही करू लागले. 1994 ते 1995 पर्यंत ते पीएनजी इन्स्टिट्यूट ऑफ मेडिकल रिसर्च, तारी शाखेचे प्रभारी अधिकारी होते.
1996 ते 1998 पर्यंत, त्यांनी हिड्स गॅस प्रकल्पात GDC चे ऑपरेशन्स मॅनेजर म्हणून काम केले.
2001 ते 2006 पर्यंत ते कार्मिक व्यवस्थापन विभागाचे धोरण सहाय्यक सचिव झाले. ते आंतर-सरकारी संबंधांवरील संसदीय संदर्भ समितीचा देखील एक भाग होते.
मारापे यांनी पीपल्स प्रोग्रेस पार्टीतर्फे 2002 च्या निवडणुकीत पहिल्यांदा तारी-पोरी जागा लढवली होती. तथापि, नंतर व्यापक हिंसाचारामुळे दक्षिण हाईलँड्स प्रांतात मतदान रद्द करण्यात आले होते.
त्यांनी 2019 मध्ये पीपल्स नॅशनल काँग्रेस पक्षाचा राजीनामा दिला आणि नंतर पंगू पार्टीमध्ये सामील झाले.
जेम्स मारापे मे 2019 मध्ये पापुआ न्यू गिनीचे पंतप्रधान झाले, तेव्हापासून ते या पदावर कार्यरत आहेत.
2020 मध्ये अविश्वास प्रस्तावाद्वारे त्यांचे सरकार पाडण्याचा अयशस्वी प्रयत्न करण्यात आल्याचे सांगण्यात येत आहे.
ते द्वीप राष्ट्राचे 8 वे पंतप्रधान आहेत आणि त्यांनी भूतकाळात अनेक महत्त्वाच्या कॅबिनेट पदांवर काम केले आहे.
52 वर्षीय मारापे यांनी पहिल्यांदाच आपली परंपरा मोडली आहे. जगातील इतर कोणत्याही नेत्यासाठी त्यांनी असे केले नाही.