शहीद जवानांवर लढल्या होत्या 2019 च्या निवडणुका, चौकशी झाली असती तर राजीनामा द्यावा लागला असता, सत्यपाल मलिक यांचा केंद्रावर पुन्हा हल्लाबोल|2019 elections were fought on martyred jawans, would have had to resign if there had been an inquiry, Satyapal Malik attacks the Center again

शहीद जवानांवर लढल्या होत्या 2019 च्या निवडणुका, चौकशी झाली असती तर राजीनामा द्यावा लागला असता, सत्यपाल मलिक यांचा केंद्रावर पुन्हा हल्लाबोल

वृत्तसंस्था

नवी दिल्ली : जम्मू-काश्मीरचे माजी राज्यपाल सत्यपाल मलिक यांनी पुन्हा एकदा केंद्र सरकारवर निशाणा साधला आहे. पुलवामा हल्ल्याच्या मुद्द्यावर त्यांनी म्हटले की, 2019च्या लोकसभा निवडणुका जवानांच्या मृतदेहांवर लढल्या गेल्या. या प्रकरणाची चौकशी झाली असती तर तत्कालीन गृहमंत्र्यांना राजीनामा द्यावा लागला असता. मलिक यांनी दावा केला आहे की, घटनेनंतर लगेचच त्यांनी पंतप्रधान नरेंद्र मोदींना हल्ल्याबद्दल सांगितले, परंतु पंतप्रधानांनी त्यांना शांत राहण्यास सांगितले.2019 elections were fought on martyred jawans, would have had to resign if there had been an inquiry, Satyapal Malik attacks the Center again

राजस्थानमधील अलवर जिल्ह्यातील बांसूर येथे एका कार्यक्रमाला संबोधित करताना सत्यपाल मलिक म्हणाले, ‘निवडणूक (लोकसभा 2019) आमच्या जवानांच्या मृतदेहांवर लढली गेली आणि कोणतीही चौकशी झाली नाही. चौकशी झाली असती तर तत्कालीन गृहमंत्री (राजनाथ सिंह) यांना राजीनामा द्यावा लागला असता. अनेक अधिकारी तुरुंगातही गेले असते आणि मोठा वाद निर्माण झाला असता.

मणिपूरमध्ये पुन्हा भडकला हिंसाचार; अतिरेकी गटाशी झालेल्या चकमकीत एक कमांडो शहीद, पाच जखमी

मलिक यांचा दावा– त्यांना शांत राहण्यास सांगितले

ते पुढे म्हणाले, ’14 फेब्रुवारी 2019 रोजी जेव्हा पुलवामा हल्ला झाला तेव्हा पंतप्रधान जिम कॉर्बेट नॅशनल पार्कमध्ये शूटिंग करत होते. बाहेर येऊन त्यांनी मला फोन केला. मी त्यांना सांगितले की आपले सैनिक मरण पावले आहेत आणि हे आपल्या चुकीचे परिणाम आहेत. यावर त्यांनी मला गप्प बसायला सांगितले.

अदानींनी 3 वर्षांत प्रॉपर्टी बनवली

अदानी प्रकरणावरून त्यांनी पंतप्रधान नरेंद्र मोदींवरही हल्लाबोल केला. मलिक म्हणाले की, अदानींनी अवघ्या 3 वर्षांत भरपूर संपत्ती कमावली. मलिक यांनी तेथे उपस्थित लोकांना विचारले की, ‘ते अशा प्रकारे आपली संपत्ती वाढवू शकतात का? काँग्रेस नेते राहुल गांधी यांनी संसदेत म्हटले होते की, अदानी यांना 20 हजार कोटी रुपये मिळाले. हा पैसा कुठून आला? यावर पंतप्रधान उत्तर देऊ शकले नाहीत. ते दोन दिवस बोलले, पण या विषयावर काहीही बोलले नाही, कारण त्यांच्याकडे उत्तर नव्हते. मी म्हणतोय की हा सगळा पैसा त्यांचा आहे.

तक्रार केल्याबद्दल पदावरून हटवले

मलिक म्हणाले की, ते त्यांच्या मुख्यमंत्र्यांकडून लुटून अदानींना देतात आणि अदानी व्यवसाय करतात. ते निश्चिंत असतात की तो फक्त त्यांचाच पैसा आहे. ते म्हणाले की, गोव्यात असताना तेथील मुख्यमंत्र्यांच्या भ्रष्टाचाराची तक्रार पंतप्रधानांकडे केली होती. पण त्याचा परिणाम असा झाला की त्यांना राज्यपालपदावरून हटवण्यात आले, तर मुख्यमंत्री त्यांच्या पदावर कायम राहिले. मलिक यांनी दावा केला की त्यांना खात्री आहे की ते (अदानी) त्यांच्या (मोदी सरकार) अंतर्गत भ्रष्टाचार करतात. यातील एक भाग सोडला तर उरलेला भाग अदानींच्या वाट्याला जातो.