भारतात बेरोजगारीच्या दरात कमालीची घट : 2018 पासून सर्वात कमी, महामारीतून सावरले जॉब मार्केट

By, Pravin Wankhade - February 26, 2023 09:00:10

0

वृत्तसंस्था

नवी दिल्ली : भारताच्या अर्थव्यवस्थेवर कोविडचे नकारात्मक परिणाम हळूहळू कमी होत आहेत. एनएसएसओने जाहीर केलेल्या ताज्या आकडेवारीत बेरोजगारीच्या दरात झालेली घसरण याची साक्ष आहे. नॅशनल सॅम्पल सर्व्हे ऑफिस (NSSO) ने ऑक्टोबर-डिसेंबर 2022 या तिमाहीसाठी जारी केलेल्या आकडेवारीनुसार, 15 वर्षे आणि त्याहून अधिक वयोगटातील लोकांमधील बेरोजगारीचा दर गेल्या वर्षी याच कालावधीतील 8.7 टक्क्यांवरून 7.2 टक्क्यांवर घसरला आहे.India’s unemployment rate drops sharply Lowest since 2018, job market recovers from pandemic

जुलै-सप्टेंबर 2022 मध्येदेखील बेरोजगारीचा दर 7.2 टक्के होता. यापूर्वी हा दर एप्रिल-जून 2022 मध्ये 7.6 टक्के आणि जानेवारी-मार्च 2022 मध्ये 8.2 टक्के होता. बेरोजगारीचा दर कामगार वर्गातील बेरोजगार व्यक्तींची टक्केवारी म्हणून परिभाषित केला जातो.

रामदेव बाबा म्हणाले- कोरोनानंतर भारतात कर्करोगाचे रुग्ण वाढले लोकांची दृष्टी गेली; ऐकू कमी येण्याची समस्याही

कोविडमुळे 2021 मध्ये बेरोजगारी उच्च पातळीवर

मुख्यतः देशातील कोविड-संबंधित निर्बंधांच्या अनपेक्षित प्रभावामुळे ऑक्टोबर-डिसेंबर 2021 मध्ये बेरोजगारी सर्वोच्च पातळीवर होती. याशिवाय, ऑक्टोबर-डिसेंबर 2022 मध्ये शहरी भागातील (15 वर्षे व त्याहून अधिक वयोगटातील) महिलांमधील बेरोजगारीचा दर एका वर्षापूर्वी 10.5 टक्क्यांच्या तुलनेत 9.6 टक्के होता. हा दर जुलै-सप्टेंबर 2022 मध्ये 9.4 टक्के, एप्रिल-जून 2022 मध्ये 9.5 टक्के आणि जानेवारी-मार्च 2022 मध्ये 10.1 टक्के होता.

त्याचप्रमाणे पुरुषांमध्ये शहरी भागातील बेरोजगारीचा दर ऑक्टोबर-डिसेंबर 2022 मध्ये 6.5 टक्क्यांपर्यंत घसरला आहे, जो गेल्या वर्षी याच कालावधीत 8.3 टक्क्यांवर होता. जुलै-सप्टेंबर 2022 मध्ये हा दर 6.6 टक्के, एप्रिल-जून 2022 मध्ये 7.1 टक्के आणि जानेवारी-मार्च 2022 मध्ये 7.7 टक्के होता.

शहरी भागात 15 वर्षे आणि त्याहून अधिक वयोगटातील व्यक्तींसाठी CWS (वर्तमान साप्ताहिक स्थिती) मध्ये श्रमशक्तीचा सहभाग दर चालू तिमाहीत वाढून 48.2 टक्के झाला आहे, जो एका वर्षापूर्वीच्या याच कालावधीत 47.3 टक्के होता. जुलै-सप्टेंबर 2022 मध्ये हा दर 47.9 टक्के आणि एप्रिल-जून 2022 मध्ये 47.5 टक्के होता.

NSSOची सुरुवात 2017 मध्ये झाली

NSSO ने एप्रिल 2017 मध्ये PLFS लाँच केले. PLFS बेरोजगारीचा दर, कामगार लोकसंख्या गुणोत्तर (WPR), श्रमशक्ती सहभाग दर (LFPR) यांसारख्या कामगार शक्ती निर्देशकांचे अंदाज देऊन श्रमशक्तीचे सर्वसमावेशक चित्र समोर आणते. CWS मधील बेरोजगार व्यक्तींचे अंदाज सर्वेक्षण कालावधीत सात दिवसांच्या अल्प कालावधीत बेरोजगारीचे सरासरी चित्र देतात. CWS पद्धतीनुसार, अशा व्यक्तीला आठवड्यात कोणत्याही दिवशी एक तासही काम न मिळाल्यास बेरोजगार मानले जाते.