कुख्यात हाफिज सईद प्रत्यार्पणासाठी भारताने पाकला पाठवली आवश्यक कागदपत्रे; परराष्ट्र मंत्रालयाची माहिती India sends necessary documents to Pakistan to extradite notorious Hafiz Saeed

कुख्यात हाफिज सईद प्रत्यार्पणासाठी भारताने पाकला पाठवली आवश्यक कागदपत्रे; परराष्ट्र मंत्रालयाची माहिती

वृत्तसंस्था

नवी दिल्ली : भारताने हाफिज सईदच्या प्रत्यार्पणाची मागणी केली आहे. परराष्ट्र मंत्रालयाचे प्रवक्ते अरिंदम बागची यांनी शुक्रवारी सांगितले – दहशतवादी हाफिज सईदला भारताकडे सोपवण्याची आम्ही औपचारिकपणे पाकिस्तानच्या परराष्ट्र मंत्रालयाकडे मागणी केली आहे. त्यासाठी आवश्यक कागदपत्रे पाकिस्तान सरकारला पाठवण्यात आली आहेत. India sends necessary documents to Pakistan to extradite notorious Hafiz Saeed

ते म्हणाले- सईद जागतिक दहशतवादी आहे आणि तो भारताला हवा आहे. हाफिज ज्या केसेससाठी हवा आहे, त्या सर्व केसेस आम्ही कागदपत्रांमध्ये नमूद केल्या आहेत. 28 डिसेंबर रोजी पाकिस्तानी मीडियाने दावा केला होता की, पाकिस्तानने हाफिज सईदच्या प्रत्यार्पणाची मागणी भारताकडे केली होती. यावर भारताने आज प्रतिक्रिया दिली आहे.

हाफिज सईदचा मुलगा निवडणुकीच्या रिंगणात, लाहोरमधून नॅशनल असेंब्लीच्या निवडणुकीसाठी अर्ज; 8 फेब्रुवारीला मतदान

पाकिस्तानी मीडिया इस्लामाबाद पोस्टच्या रिपोर्टमध्ये राजकीय सूत्रांचा हवाला देत लिहिले आहे- पाकिस्तानच्या परराष्ट्र मंत्रालयाला भारत सरकारकडून अधिकृत विनंती प्राप्त झाली आहे. यामध्ये हाफिज सईदच्या प्रत्यार्पणासाठी कायदेशीर प्रक्रिया सुरू करण्यास सांगितले आहे.

अहवालात दावा- भारताला पाककडून सहकार्य हवे आहे

अहवालात म्हटले आहे की, या औपचारिक विनंतीने दोन्ही देशांमधील राजनैतिक संबंधांना एक नवीन आयाम जोडला आहे, कारण सीमेपलीकडील घटनांमध्ये सहभागी असलेल्यांना पकडण्यासाठी आणि त्यांना न्याय देण्यासाठी भारत पाकिस्तानकडून सहकार्याची अपेक्षा करतो. प्रत्यार्पणाची प्रक्रिया सुरू झाल्यास दोन्ही देशांच्या संबंधित अधिकाऱ्यांमध्ये सहकार्य आणि संवादाची गरज भासेल.

हाफिज सईद सध्या तुरुंगात असल्याची माहिती आहे. मात्र, अनेक मीडिया रिपोर्ट्स आणि अगदी पाकिस्तानी पत्रकारांनीही सईद तुरुंगात नसून त्याच्या घरी असल्याचे उघड केले आहे. जवळपास चार वर्षांपासून सईद कोणत्याही सार्वजनिक व्यासपीठावर दिसलेला नाही.