भारत-इस्रायल लष्करी संबंध मजबूत करणार, एअर चीफ मार्शल आर. के. एस. भदौरिया यांनी केली चर्चा|India-Israel military ties to be strengthened, Discussion by Air Chief Marshal R K. S. Bhadauria

भारत-इस्रायल लष्करी संबंध मजबूत करणार, एअर चीफ मार्शल आर. के. एस. भदौरिया यांनी केली चर्चा

विशेष प्रतिनिधी

नवी दिल्ली : भारत आणि इस्त्रायल यांच्यातील लष्कर संबंध आणखी मजबूत करण्यासाठी प्रयत्न केले जात आहेत. भारतीय वायुदलाचे प्रमुख एअर चीफ मार्शल आर. के. एस. भदौरिया सध्या इस्रायल दौऱ्यावर असून, ते दोन्ही देशांच्या वायुदलांतील द्विपक्षीय संबंध मजबूत करण्यासाठी चर्चा करणार आहेत, अशी माहिती भारतीय वायुदलाने दिली आहे.India-Israel military ties to be strengthened, Discussion by Air Chief Marshal R K. S. Bhadauria

धोरणात्मक भागीदार असलेल्या भारत आणि इस्रायलचे बहुआयामी संबंध आहेत. संरक्षण सहकार्य आणि लष्करी पातळीवरील अदलाबदल हा या संबंधाचा महत्त्वाचा स्तंभ आहे, असे ट्विट भारतीय वायुदलाने केले. भारत व इस्रायलच्या वायुदलांतील द्विपक्षीय संबंधांची खोली व व्याप्ती अधिक वाढवण्यासाठी दोन्ही वायुदलांचे प्रमुख चर्चा करतील, असे वायुदलाने या ट्विटमध्ये म्हटले आहे.

भारत-इस्रायल बनविणार हायटेक शस्त्रात्रे, चीन-पाकिस्तानच्या पोटात गोळा

इस्रायली वायुदलाचे प्रमुख मेजर जनरल आमिकाम नॉर्किन यांचे निमंत्रण स्वीकारून एअर चीफ मार्शल भदौरिया हे मंगळवारी इस्रायलमध्ये दाखल झाले. यापूर्वी त्यांनी संयुक्त अरब अमिरातला भेट देऊन वायुदलप्रमुख मेजर जनरल इब्राहिम नासेर एम. अल् अलावी यांच्यासोबत चर्चा केली.

भारत आणि संयुक्त अरब अमिरातीच्या वायुदलातील संबंध अधिक बळकट करण्याचे मार्ग आणि उपाययोजनांबाबत भदौरिया यांनी अलावी यांच्यासोबत रविवारी व्यापक चर्चा केली, अशी माहिती भारतीय वायुदलाने दिली.