Vladimir Putin : ‘भारत, चीन आणि ब्राझील मध्यस्थ होऊ शकतात…’, युक्रेन युद्धादरम्यान शांतता चर्चेवर पुतिन यांची मोठी घोषणा

By, Pravin Wankhade - September 5, 2024 09:30:00

0

वृत्तसंस्था

मॉस्को : रशियाचे राष्ट्राध्यक्ष व्लादिमीर पुतिन (Vladimir Putin) यांनी युक्रेनसोबतच्या शांतता चर्चेबाबत मोठे वक्तव्य केले आहे. रशियाच्या युक्रेनसोबतच्या संभाव्य शांतता चर्चेत चीन, भारत आणि ब्राझील मध्यस्थाची भूमिका बजावू शकतात, असे त्यांनी म्हटले आहे.

पुतिन यांनी ईस्टर्न इकॉनॉमिक फोरममध्ये सांगितले की, आमचा मुख्य उद्देश युक्रेनचा डोनबास प्रदेश ताब्यात घेणे आहे. रशियन सैन्य हळूहळू कुर्स्कमधून युक्रेनियन सैन्याला मागे हटवत आहे.

पुतीन यांचे हे वक्तव्य अशा वेळी आले आहे जेव्हा पंतप्रधान नरेंद्र मोदी नुकतेच युद्धग्रस्त युक्रेन आणि त्याआधी रशियाला गेले होते. पंतप्रधान मोदींच्या या दोन्ही भेटी अत्यंत महत्त्वाच्या होत्या आणि जागतिक पातळीवर चर्चेचा विषय होत्या.

Mohammad Yunus : मोहम्मद युनूस यांनी शेख हसीना यांना सुनावले, म्हणाले…

पंतप्रधान मोदींच्या रशिया दौऱ्याने शांततेचा मार्ग खुला झाला का?

पीएम मोदी जुलै महिन्यात रशियाच्या दौऱ्यावर गेले होते. त्यांची भेट नाटो शिखर परिषदेदरम्यान झाली. यावेळी पंतप्रधान मोदींनी राष्ट्राध्यक्ष पुतिन यांना मिठी मारल्याचे चित्र खूप चर्चेत होते. यावेळी मोदींनी रशियाचे अध्यक्ष व्लादिमीर पुतीन यांना शांततेचा मार्ग युद्धभूमीतून येत नसल्याची आठवण करून दिली होती.

यादरम्यान पुतिन यांनी पंतप्रधान मोदींना रशियाचा सर्वोच्च नागरी सन्मान ऑर्डर ऑफ सेंट अँड्र्यू द अपोस्टल देऊन सन्मानित केले. मात्र युक्रेनचे राष्ट्राध्यक्ष झेलेन्स्की त्यांच्या भेटीमुळे संतप्त झाले आणि त्यांनी जाहीरपणे नाराजी व्यक्त केली.

रशियानंतर पीएम मोदीही युक्रेनमध्ये पोहोचले

रशियानंतर पंतप्रधान मोदींनी 23 ऑगस्टला युक्रेनला भेट दिली. पोलंडहून ट्रेनने ते कीव्हला पोहोचले. पंतप्रधान मोदी राष्ट्राध्यक्ष झेलेन्स्की यांच्यासोबत युक्रेनच्या राष्ट्रीय संग्रहालयात पोहोचले होते. या भेटीचे अनेक फोटो आणि व्हिडिओ व्हायरल झाले होते, ज्यामध्ये दोन्ही नेते भावुक होताना दिसत होते.

यावेळी पंतप्रधान मोदी म्हणाले की, युक्रेनने वेळ न घालवता शांततेबद्दल बोलले पाहिजे. संवादातून-मुत्सद्देगिरीतूनच तोडगा निघतो, असे ते म्हणाले. आणि वेळ वाया न घालवता या दिशेने पुढे जायला हवे. झेलेन्स्की यांना हे सांगण्यापूर्वी पंतप्रधान मोदींनी त्यांना या संकटातून बाहेर काढण्यासाठी मदतीचे आश्वासनही दिले होते.

यादरम्यान पीएम मोदींनी झेलेन्स्की यांना सांगितले होते की, काही काळापूर्वी मी राष्ट्राध्यक्ष पुतिन यांना भेटलो होतो आणि मीडियासमोर मी त्यांना डोळ्यासमोरून सांगितले होते की, ही युद्धाची वेळ नाही. नुकताच मी रशियाला भेटीसाठी गेलो होतो. तेथे मी स्पष्टपणे सांगितले आहे की युद्धभूमीवर कुठेही कोणतीही समस्या सोडवता येत नाही.